KLABU YA BIASHARA YA NBC YAINGIA MKOANI RUVUMA

 

Mkuu wa Wilaya ya Songea, Pololet Komando (wa nne kushoto), pamoja na Mkuu wa Kitengo cha Wateja Binafsi wa Benki ya Taifa ya Biashara NBC,  Elibariki Masuke (wa tatu kulia), akimuwakilisha Mkurugenzi Mtendaji wa Benki hiyo,  Theobald Sabi wakifungua bango kuashiria uzinduzi rasmi wa ufunguzi wa Klabu ya Bishara Mkoani Songea wenye lengo la kuwakutanisha wateja wake wafanyabiashara na wenye viwanda na wadau wengine. Kutoka kushoto ni Meneja wa Benki ya NBC Tawi la Songea, Simon Simon Ntwale,

Mkuu wa Wilaya ya Songea, Pololet Komando pamoja na maofisa wa Benki ya NBC na wateja wake wakipiga makofi mara baada ya uzinduzi wa Klabu ya Biashara iliyozinduliwa na Benki ya NBC Mkoani Songea.

Mkuu wa Wilaya ya Songea, Pololet Komando pamoja na maofisa wa Benki ya NBC na wateja wake wakiserebuka mara baada ya uzinduzi wa Klabu ya Biashara iliyozinduliwa na Benki ya NBC Mkoani Songea.

Benki ya Taifa ya Biashara imezindua NBC Biashara Club, Mkoa wa Ruvuma katika hafla ya uzinduzi ilifanyika katika hoteli ya Heritage Cottage Wilaya ya Songea na kuhudhuriwa na wadau mbali mbali akiwemo Mkuu wa Wilaya ya Songea, DC Pololet Komando ambaye pia alikuwa mgeni rasmi kwa niaba ya Mkuu wa Mkoa wa Ruvuma, RC John Ibuge.

NBC Biashara Club ni sehemu ya mkakati mpana wa benki hiyo wa kuwainua wajasiriamali kwa kuwajengea uwezo wa kibiashara kupitia semina za mafunzo, kuwasogezea huduma za kibenki, kuwajengea mitandao ya kibiashara pamoja na kuwapa mbinu za kurasimisha biashara zao ili waweze kukopesheka. Jitihada hizi za Benki ya NBC zinaonekana kuzaa matunda kwani benki hiyo ilifanikiwa kuzindua klabu ya biashara kwa Mkoa wa Kigoma miezi michache iliyopita.

Zaidi ya kutoa mafunzo kwa wafanyabiashara, NBC Biashara Club pia inatoa fursa ya kuwakutanisha wanachama wake na watoa huduma mbali mbali katika sekta ya biashara zikiwemo taasisi za serikali kama TRA ili kujadili na kutatua changamoto na kupata mafunzo zaidi kwenye masuala ya kodi, uagizaji malighafi na bidhaa kwenda na kutoka nje.

Uzinduzi wa NBC Biashara Club mkoani Ruvuma unakuja siku chache baada ya benki hiyo kuanzisha huduma ya NBC Wakala Plus wilayani Mbinga. Benki hiyo pia iliendesha semina za mafunzo kwa makundi mbali mbali ya wajasiriamali wilayani humo kwa dhumuni la kuwajengea uwezo katika kuendesha biashara. Pamoja na semina kwa wajasiriamali benki ya NBC kupitia huduma ya NBC Shambani, ilikutana na viongozi na wanachama wa vyama vya ushirika (AMCOS) Mkoani Ruvuma ili kujadili fursa zinazotokana na kushirikiana kwa sekta za kilimo ya kibenki.

Benki ya NBC kupitia klabu yake ya biashara pia iliandaa semina maalum kwajili ya wajasiriamali wanawake wa Wilaya ya Songea ambapo pia walitoa mafunzo na kupata fursa ya kutambulisha huduma zake za kibenki na kuwaelimisha wajasirimali hao juu ya faida na manufaa ya huduma hizo.

Akizungumza katika hafla hiyo ya uzinduzi, mgeni rasmi na Mkuu wa Wilaya ya Songea, DC Pololet Komando aliwahikishia wafanyabiashara wa Ruvuma kuwa Benki ya NBC ni benki kongwe nchini ambayo inaelewa changamoto na mahitaji ya wafanyabiashara. DC Sololet pia aliipongeza benki hiyo kwa kutoa elimu kwa wajasiriamali wa mkoa huku akiwasihi kutumia fursa za mikopo inayotolewa na Benki ya NBC kukuza biashara. zao.

“Tunawapongeza kwa kufunga safari kuja kuonana na wananchi wa Ruvuma ambao ni wafanyabiashara na wakulima wa mazao ya chakula na biashara, huu ni uthibitisho kwamba benki yen uinathamini wateja wake.” Alisema DC Pololet

Aidha kwa upande wake, Mkurugenzi wa Kitengo cha Wateja Binafsi wa Benki ya Taifa ya Biashara NBC,Nd ElibarikiMasuke alisema kamba mafanikio makubwa ya klabu ya biashara ya NBC yametokana na ushikiano kutoka kwa serikali kupitia taasisi zaidi ya 15 zikiwemo TRA, BRELA, SIDOna TABWA. Ushirikiano ambao umesaidia benki hiyo kufikia dhumuni la kuongeza ukaribu baina ya Benki ya NBC na wateja wake kupitia na mafunzo ya ujasiriamali.

“Mpaka sasa tumeweza kufungua NBC Biashara Club katika mikoa ya Dodoma, Arusha, Mbeya, Moshi, Morogoro, Singida Kahama, Lindi, Mtwara, Masasi, Tanga , Kigoma, Dar es Salaam na leo tunazindua hapa Songea. Kupitia jukwaa la NBC Biashara Club, wafanyabiashara zaidi ya 6,300 wamenufaikana mafunzo tunayotoa na safari za kibiashara kwenda nje ya nchi.” Alisema Nd Elibariki.

Aidha Nd Elibariki alisema kwamba pamoja na changamoto ya gonjwa la Uviko-1, benki hiyo ina azma ya kufikia mikoa yote ya Tanzania hivyo benki hiyo inachukua tahadhari zote za kujikinga na gonjwa hilo wanapoendesha makongamano na wajasiriamali.

Read More

AKIBA COMMECIAL BANK YAZINDUA AKIBA WAKALA.

 

Mkuu wa Kitengo cha Biashara wa  Akiba Commercial Bank  Webster Kaunga (kulia) akikata utepe kuashiria uzinduzi rasmi wa  benki hiyo ilipozindua huduma za Akiba Wakala katika Tawi la Makao Makuu barabara ya Ohio jijini Dar es Salaam jana wengine pichani n  Mkuu wa Kitengo cha Masoko na Mawasiliano wa Akiba Commercial Benki PLC (ACB), Dora Siria na  Mkuu wa Kitengo cha mikopo wa Benki hiyo Charles Kamoto.

Mkuu wa Kitengo cha Biashara wa Akiba Commercial Bank Webster Kaunga na Mkuu wa Kitengo cha mikopo wa Benki hiyo  Charles Kamoto Mkuu wa Kitongo cha Mikopo wakufunua kitambaa mara baada ya uzinduzi huo.

 

 

Mkuu wa Kitengo cha Masoko na Mawasiliano Akiba Commercial Bank Dora Saria  amesema benki hiyo imeanzisha huduma ya Wakala ijulikanayo kwa jina la Akiba Wakala.

Huduma hii itawasaidia wateja wa benki hiyo kupata huduma kwa urahisi zaidi popote pale walipo kupitia mtandao mpana wa huduma za Wakala unaopatikana nchi nzima.

Dora Saria ameyasema hayo wakati wa uzinduzi wa huduma hiyo kwenye tawi la benki hiyo ililopo baeabaea ya Ohio mkabala nahoteli ya Serena jijini Dar es salaam jana.

Amesema Mteja anaweza kupata huduma ya kutoa na kuweka fedha mahali popote penye tangazo la Akiba Wakala Kupitia huduma hii tutawafikia Watanzania wengi popote pale walipo na wataweza kunufaika na huduma zetu.

Pia ameongeza kuwa kwamba, kupitia huduma hii ya Akiba Wakala Benki watakuwa washiriki wazuri katika kuunga mkono harakati za Serikali za kuhakikisha uwepo wa huduma jumuishi za kifedha yaani (Financial inclusion) kwa Watanzania wote.

Tumeingia sokoni na jumla ya Wakala wapatao 200 na lengo letu ni kuendelea kuongeza Wakala wengi kadri iwezekanavyo kwa lengo la kukidhi kiu ya upatikana wa huduma za Akiba nchi nzima, kwa urahisi na ukaribu kwa kumfata mteja popote alipo au kwa urahisi waweza kusema pasipo na ulazima kwa kufika tawini.

Aidha, Benki itaendelea kuboresha huduma hizi za Akiba Wakala kwa kuhakikisha upatikana wa mahitaji mengi ya kibenki kadri iwezekanavyo kwa Wakala wetu kwa lengo la kuleta urahisi na huduma zaidi kwa wananchi kama tulivyoainisha kwenye kauli mbiu ya huduma hii ya Akiba Wakala ambayo inasema Huduma Zaidi.

“Tunategemea kutoa huduma za kufungua akaunti na nyinginezo nyingi hapo mbeleni. Vile vile Benki imeanzisha mkakati rasmi wa kuhakikisha kuingia rasmi katika mfumo wa kidigitali katika mchakato wa kutoa huduma.”. Amesema Dora Saria

Mfumo huu utaendelea kuleta unafuu na kuokoa gharama za upatikananji wa huduma zetu.Pia tunazo huduma za Akiba Mobile, ambazo zinawawezesha wateja wetu kupata mahitaji mbali mbali ya Kibenki na mengineyo mathalani kununua LUKU, ving’amuzi, muda wa maongezi pamoja na malipo yote ya Serikali kupitia simu zao za mikononi.

Ameongeza kuwa wateja wote wa Benki ya Akiba wanaomiliki akaunti binafsi wanakuwa wameunganishwa na huduma hii na wanaweza kufanya miamala popote pale walipo. Huduma ya Akiba Mobile inaptikana kupitia mfumo wa USSD na App kwa wale wanoatumia simu janja.

Pia huduma ya Akiba Mobile inamuwezesha mteja kufanya miamala yake ya kibenki kupitia Akiba Wakala vile vile.Kabla ya hitimisho naomba pia niwadokeze ndugu wnahabari kuwa Benki ya Akiba inatoa huduma nyingine nyingi za Amana, Mikopo, kuuza na kununua float, kutuma na kupokea fedha kupitia Western Union n.k.

Ametoa rai kwa Watanzania wote watembelee matawi yetu yote pamoja na Akiba Wakala kwa ajili ya kuhudumiwa na ufafanuzi.Kwa kumalizia, ikumbukwe kwamba benki yetu imepata mwekezaji wa kimkakati, ambaye ni National Bank of Malawi (NBM).

Ni imani yetu kwamba ubia huu utasaidia kupanua wigo wetu wa kibiashara ikizingatiwa NBM ni moja ya benki kubwa kwenye ukanda wetu wa nchi kusini mwa Afrika.

Vile vile, tutaendelea kuboresha na kuanzisha huduma nyingi zikiwemo za kidijitali na hizi za Akiba Wakala imezinduliwa rasmi na tunawakaribisha Wateja wetu wote watumie huduma hiyo kwa mahitaji yako kibenki na wakumbuke kuwa hawana ulazima wa kufika matawini kwa ajili ya kuweka na kutoa fedha kwenye Akaunti zao, kufanya marejesho ya mikopo

Read More

BENKI YA TCB YAZIDI KURAHISISHA HUDUMA KWA WATEJA WAKE

Meneja Mwanadamizi  Suruhisho za Biashara wa Benki ya Serikali ya Bishara Leonard Katamba akizungumza wakati wa hafla ya uzinduzi rasmi wa ya TCB   Kuunganisha  huduma za Kibenki Mtandaoni na mifumo ya malipo, wapili kulia ni Katibu Mkuu Wizara ya Fedha na Mipango na Mlipaji Mkuu wa Serikali, Emmanuel Tutuba ambae ndio alikuwa Mgeni rasmi pamoja na Afisa Mtendaji Mkuu  wa  Benki hiyo Bw, Sabasaba Moshingi 

Picha ya pamoja

Benki ya Biashara Tanzania (TCB) imekuwa benki ya kwanza nchini kuunganisha huduma zake za kibenki mtandaoni na mifumo yote ya kitaifa ya malipo.

 

Afisa Mtendaji Mkuu wake, Bw, Sabasaba Moshingi, amesema maboresho yaliyofanyiwa mfumo wa soluhisho hiyo ya kidijitali unaifanya huduma ya TCB Internet Banking kuwa ya kipekee na isiyokuwa na mpinzani sokoni.

 

“Suluhisho hii imebuniwa na kutengenezwa na wataalam wetu wenyewe bila gharama yoyote na ubora wake dhidi ya mifumo mingine ni kuunganishwa kwake na mifumo yote ya kitaifa ya malipo,” Bw Moshingi alitabainisha jana wakati wa unzinduzi wake jijini Dar es Salaam.

 

“Tungeinunua sokoni ingetugharimu kati ya dola 300,000 na 500,000,” alifafanua akionyesha unafuu wake kwani bei hizo ni sawa na TSh milioni 695.7 na karibu TSh bilioni 1.16 mtawalia.

 

Kwa mujibu wa Bw. Moshingi, uwekezaji wa kuboresha huduma ni sehemu ya mpango mkakati wa kuimarisha suhuhishi za kibenki za TCB na kuzifanya za kisasa zaidi ili ziendane na mahitaji ya soko.

 

Alisema maboresho ya TCB Internet Banking pia yanalenga kuiwezesha benki hiyo kujipanga vizuri zaidi kibiashara na kujiimarisha kiushindani sokoni.

 

Serikali imeipongeza benki hiyo kwa kufanya maboresho hayo na kusema yataongeza thamani kwenye mifumo ya kitaifa ya malipo.

 

Akizumgumza kabla ya kuizindua rasmi huduma hiyo, Katibu Mkuu wa Wizara ya Fedha na Mipango, Bw Emmanuel Tutuba, alisema uwekezaji huo pia unalipa na kuifanya TCB kuwa tishio.

 

Kiongozi huyo amewahasa wananchi na taasisi zote kujiunga na mfumo huo mpya wa TCB ili waweze kufanya miamala ya kifedha kwa urahisi, usalama na uharaka ili waweze kuongeza ufanisi katika shughuli zao.

 

“Nimefurahi kusikia kuwa mfumo huu pia umeunganishwa moja kwa moja na mfumo wa MUSE ili kurahisisha taasisi za serikali kufanya malipo pasipo na ulazima wa kutembelea benki,” Bw. Tutuba alisema.

 

MUSE ni mfumo wa ulipaji serikalini ambao ni sehemu ya mchakato wa serikali mtandao kwa ajili ya kuziwezesha taasisi za umma na makundi mengine kama watumishi, raia, wanafunzi na wafanyabiashara kupata taarifa na huduma kwa njia ya intaneti.

 

Katibu Mkuu Tutuba ameichagiza TCB kutumia umahiri wake wa ubunifu kusaidia kutafuta ufumbuzi wa maswala mbalimbali na kusaidia kutatau changamoto mbalimbali kama kupunguza gharama za mikopo na riba kubwa.

 

Akiutambulisha mfumo huo, Meneja Mkuu Suluhishi za Biashara wa TCB, Bw Leonard Katamba, alisema huduma hiyo imebuniwa kwa kuzingatia mahitaji ya sasa na maendeleo ya kidijitali ya siku za usoni.

 

“Huduma ya TCB Internet Banking itatoa wigo mpana wa huduma za kibenki kwa wateja wetu; taasisi za serikali, makampuni, mashirika ya dini na mengine yasiyo ya kiserikali, wafanyabiashara wakubwa na wadogo, wafanyakazi, vikundi mbalimbali, taasisi za elimu pamoja na mtu mmoja mmoja,” alifafanua.

 

“Mfumo huu pia unawazesha wateja kufanya miamala ya kibenki ndani na nje ya nchi kupitia mifumo kama TISS, EFT na SWIFT, ukusanyanji mapato ya serikali na tozo kieletroniki (GePG), miamala ya simu, malipo ya mishahara na kupata taarifa zote muhimu za kibenki.”

Read More

WIKI YA AZAKI 2021 KUFANYIKA JIJINI DODOMA, WADAU WAKUTANA KUFANYA UZINDUZI RASMI DSM

  

Mbunge Neema Lugangira (kushoto) akipiga makofi mara baada ya kufanyika uzinduzi rasmi wa wiki ya Azaki uliofanyika Jijini dar es Salaa, (wa kwanza kulia) ni Mgeni Rasmi katika uzinduzi huo Msajili wa Asasi za Kiraia nchini, Vickness Mayao (katikati yake) ni Rais wa The Foundation for Civil Society (FCS) Dkt. Stigmata Tenga, na (wa tatu kulia) ni Mwenyekiti wa Baraza la Umoja wa Asasi za Kiraia Nchini, NACONGO, Lilian Badi.

Mgeni Rasmi katika uzinduzi wa Wiki ya AZAKI Msajili wa Asasi za Kiraia nchini, Vickness Mayao Akizungumza wakati alipokuwa akitoa hotuba yake ya ufunguzi.

 

Mkurugenzi Mtendaji wa (FCS) Francis Kiwanga Akizungumza na wadau kwenye uzinduzi huo kwa kwa kutoa utangulizi kuelezaea maudhui ya wiki ya AZAKI na umuhimu wake.

Mbunge anawakilisha Asasi za Kiraia Bungeni kupitia Chama cha Mapinduzi (CCM) Mhe. Neema Lugangira akitoa Salamu zake mapema asubuhi ya leo kwenye uzinduzi huo.

Mwenyekiti wa Baraza la Umoja wa Asasi za Kiraia Nchini, NACONGO, Lilian Badi akitoa Salamu za Baraza wakati alipokuwa Akizungumza na wadau mbalimbali kwenye uzinduzi huo uliofanyika Jijini Dar es Salaam.

Wadau mbalimbali wa na Baadhi ya Viongozi wa Asasi za Kiraia wakifuatilia hotuba za viongozi wakati wa hafla fupi ya uzinduzi wa Wiki ya AZAZI uliofanyika leo Dar es Salaam.

Rais wa The Foundation for Civil Society (FCS) Dkt. Stigmata Tenga akitoa neno la Shukrani na kufunga rasmi hafla hiyo.

Mkurugenzi Mtendaji wa (FCS) Francis Kiwanga akiwa na wadau wengine wakifuatilia hotuba ya Rais wa (FCS), Dkt. Stigmana Tenga.

Na: Mwandishi wetu, DAR ES SALAAM | MSAJILI wa Msajili wa Mashirika yasiyo ya Kiserikali (NGOs)Vickness Mayao amezindua rasmi Wiki ya AZAKI inayotarajiwa kufanyika Oktoba 25 hadi Oktoba 29 mwaka huu huku akitumia nafasi hiyo kuwapongeza viongozi wapya wa Baraza la Kitaifa la Mashirika yasiyo ya Kiserikali kupitia Mwenyekiti na timu yake yote.

Akizungumza leo Julai 29,2021 jijini Dar es Salaam wakati akizindua wiki hiyo ya AZAKI,Mayao amesema hiyo ni mara yake ya pili sasa kupata nafasi ya kukutana na wakuregenzi wa Asasi za kiraia nchini pamoja na wadau wengine wa maendeleo, baada ya mkutano wa kikao kazi uliofanyika Januari mwaka huu.

"Ama kwa hakika fursa hizi za kukutana nanyi zimeendelea kuwezesha uimarikaji wa mahusiano na mashirikiano kati ya asasi za kiraia na Serikali kupitia Ofisi ya Msajili na Mashirika Yasiyo ya Kiserikali nchini. Nichukue nafasi hii kutoa pongezi za dhati kwa mara nyingine tena kwa uongozi mpya wa Baraza la Kitaifa la Mashirika yasiyo ya Kiserikali, kupitia Mwenyekiti na timu yake yote."

"Wizara Pamoja na ofisi yangu tulipata faraja kubwa kuona kuwa sasa uongozi na uratibu wa sekta ya asasi za kiraia nchini umerejea mahali pake. Sote ni mashahidi wa madhara yaliyojitokeza kutokana na ukosefu wa uongozi na uratibu wa sekta ya asasi za kiraia nchini kwa miaka kadhaa.Nipende kuwaahidi kuwa ofisini yangu iko tayari kushirikiana nanyi kwa karibu sana kuhakikisha ustawi na usimamizi dhabiti wa sekta ya asasi za kiraia nchini," amesema.

Aidha ametoa pongezi kwa Kamati ya uchaguzi wa NaCoNGO chini ya Mwenyekiti wake Flaviana Charles wakili msomi na uratibu makini wa mchakato mzima kupitia Mkurugenzi wa Foundation for Civil Society Francis Kiwanga."Hakika mmedhihirisha bayana nguvu ya umoja na mshikamano ambayo ikiendelea kutumika vizuri itapelekea mapinduzi na maendeleo ya hali ya juu kwa sekta hii ya Asasi za kiraia nchini."

Kuhusu Wiki ya AZAKI , Mayao amefafanua wamekutana kwa ajili ya tukio muhimu kwa wadau wa maendeleo nchini ikiwemo Asasi za kiraia, sekta binafsi, pamoja na Serikali ambayo ndio mdau mkubwa wa maendeleo katika taifa letu. "Sote ni mashahidi wa umuhimu na matokeo chanya ya Wiki ya AZAKI toka uzinduzi wake mwaka wa 2018, ikiwemo kuongezeka kwa umoja na mshikamano miongoni mwa wadau wa maendeleo".

"Kuimarika kwa mshikamano kati ya Asasi za kitaifa na za ngazi ya jamii/mashinani, asasi za wazawa na mashirika ya Kimataifa, wakala wa sekta binafsi pamoja na taasisi za serikali na vyombo vya maamuzi.Tunashuhudia pia kuimarika kwa ushiriki wa Asasi katika masuala ya kisera kwa kujiamini zaidi na kwa kushirikiana na vyombo vya serikali pamoja na Bunge katika misingi ya kuaminiana," amesema.

Aidha kupitia Wiki ya AZAKI, wameona kuongezeka kwa ushirikishanaji taarifa na upashanaji habari miongoni mwa wadau wa maendeleo. Pia kuongezeka kwa uelewa miongoni mwa Jamii ya Watanzania kuhusu kazi na huduma zitolewazo na Asasi za kiraia na wadau wa maendeleo, sambamba na mchango wao katika ujenzi wa Taifa.

Kwa miaka miwili mfululizo 2018 na 2019, Wiki ya AZAKI ilifanyika Jijini Dodoma na kuwaleta kwa pamoja wadau muhimu wa maendeleo. Zaidi ya Asasi 1,000 kutoka mikoa yote nchini zimeshiriki katika jukwaa hili tena kwa kujigharamia ushiriki wao katika warsha na maonesho ya kazi za Asasi za kiraia. Kauli mbiu ya Wiki ya AZAKI kwa mwaka 2018 ilikua "Kuelekea Uchumi wa Viwanda: Watu, Sera na Utekelezaji". Ambapo kwa mwaka 2019 kauli mbiu ilikua "Ubia kwa Maendeleo: Ushirikiano kama Nguzo ya Maendeleo nchini Tanzania.

Ameongeza kauli mbiu ya mwaka huu ni mchango wa sekta ya Asasi za kiraia katika maendeleo ya nchi, kwa ufupi AZAKI na maendeleo huku akisisitiza Wiki hiyo ya AZAKI inatarajiwa kufanyika mwezi wa Oktoba 25 - 29 Jijini Dodoma, ikitanguliwa na maonesho ya kazi za Asasi za kiraia nchini Oktoba 23 na Oktoba 24 mwaka huu.

Amesema Wiki ya AZAKI ya mwaka 2018 ilileta mwamko mkubwa miongoni mwa wadau wa sekta kuonesha na kuudhihirishia umma wa watanzania mchango wa AZAKI katika maendeleo ya kiuchumi na kijamii nchini. Miongoni mwa jitihada zilizochukuliwa ni kutoa ripoti ndogo ya mchango wa AZAKI katika uchumi wa Taifa.

"Niwahakikishie kuwa ofisi yangu, kwa kushirikiana na NaCoNGO pamoja na wadau wa kamati ya maandalizi itahakikisha ripoti hii inakamilika kwa wakati na kuwasilishwa katika wiki ya AZAKI mwezi Oktoba mwaka huu 2021," amesema.

Aidha amesema toka kuanzishwa kwa Wiki ya AZAKI Ofisi ya Msajili imekuwa ikishiriki kikamilifu katika maandalizi na utekelezaji wa shughuli hii muhimu, kama mshauri mkuu kwa kamati ya maadalizi. "Mwito wangu kwa kamati ya maandalizi ni kuendelea kuboresha ushirikiano wao kuhakikisha AZAKI zinakua imara na zinaleta mchango unaostahili katika maendeleo ya nchi".

Kwa upande wake Mwenyekti wa Bodi wa Baraza la Uratibu wa NGOs Taifa Lilian Badi amesema ni mara yake ya kwanza kukutana na wadau hao tangu yeye na wenzake 29 wachaguliwe kutoka mikoa 26 na wawakilishi wanne wa makundi maalum kuwa wajumbe wa baraza la uratibu wa NGOs Tanzania.

Aidha amesema ni muhimu kutambua kwa miaka mingi sasa Foundation for Civil Society imekuwa kinara katika kuzijengea uwezo NGOs kupitia ruzuku na hata kuwapatia mafunzo mbalimbali na kuwaunganisha kwa njia kadhaa."Na leo hii tunapozindua wiki ya AZAKI ni ushahidi tosha kuhusu ufanisi na dhamira yetu ambayo haijawahi kupwata na tunajua tukio hili mmekuwa mkilifanya kila mwaka."

Ametumia nafasi hiyo kutoa mwito kwa Foundation for Civil Society na wadau wengine waendelee kuunga mkono chombo hicho muhimu kilichoundwa kisheria kwa kuhakikisha sio tu kinafanya kazi zake kwa ufanisi bali NGOs zinaelewa majukumu na nafasi ya NaCoNGO kisheria na kiuendaji ili kuepuka chombo hicho kujikuta kwenye migogoro ya mara kwa mara na isiyo na tija au kudhoofika.

Awali Mbunge wa Viti Maalum kwa tiketi ya Chama Cha Mapinduzi(CCM) anayewakilisha Asasi za kiraia amesema ameshauri vitu vya tatu, cha kwanza wakati umefika fedha za ufadhili ambazo zinakuja kwa ajili ya ASASI za kiraia zitekeleze mipango iliyopo kwani takwimu zinaonesha fedha hizo zinapoingia ni asilimia moja tu ndio inakwenda kwenye NGOS za ndani na iliyobakia inakwenda kwenye mashirika ya kimataifa, hivyo umefika wakati ASASI za kiraia nchini kushiriki kikamilifu kwenye maendeleo.

Amesema eneo la pili ambalo ameshauri ,amesema sekta ya AZAKI mara nyingi inahesabiwa kama sehemu ya sekta binafsi, lakini sekta binafsi ni tofauti ambayo inawafanyabishara zaidi na anapokwenda kuongea mwakilishi wa seta binafsi hawezi kuwa anawakilisha sekta ya AZAKI, hivyo ni vema AZAKI nao wakatambula na mwisho amesema bado kunachangamoto katika kufanya kazi wao kama sekta hasa katika kutekeleza matakwa ya kisheria hasa sheria za kodi.

"Kuna mkanganyiko mkubwa kwa mfano unakuta mimi ni mkurugnzi natumia vijana wanaojitolea lakini unapowalipa posho TRA anahesabu wale kama wafanyakazi kitu ambacho sio sahihi, kwa hiyo bado kuna mkanganyiko wa uelewa wetu katika sheria ya kodi kwa mashirika ambayo sio ya kiserikali na hiyo inachangia sisi kukwama."

Read More

BENKI YA SERIKALI YA BIASHARA TCB YAZINDULIWA RASMI

 Waziri wa Fedha na Mipango, Mheshimiwa Dkt.  Mwigulu Lameck Nchemba (Mb).  wa pili (kushoto), akibonyeza ripoti kuashiria uzinduzi rasmi wa Muonekano  mpya wa jina na Nembo mpya ya Benki mpya ya  Serikali ya Biashara Tanzania Commercial Bank (TIB) ambayo ni muunganiko wa  Benki mbili TIB pamoja na  Benki ya Posta TPB zenye lengo la kuleta ushindani wa kibiashara. Wengine pichani ni Afisa Mtendaji Mkuu wa  Benki ya TCB  Sabasaba Moshingi, Mwenyekiti wa Bodi wa Benki hiyo  Edmund Mndolwa pamoja na viongozi wengine kutoka Serikalini.

Waziri wa Fedha na Mipango, Mheshimiwa Dkt.  Mwigulu Lameck Nchemba akizungumza na wadau mbalimbali wakati wa hafla ya uzinduzi rasmi wa Muonekano  mpya wa jina na Nembo mpya ya Benki mpya ya  Serikali ya Biashara Tanzania Commercial Bank (TIB) ambayo ni muunganiko wa  Benki mbili TIB pamoja na  Benki ya Posta TPB zenye lengo la kuleta ushindani wa kibiashara.

 Afisa Mtendaji Mkuu wa  Benki ya TCB  Sabasaba Moshingi, akizungumza na wadau mbalimbali wakati wa hafla ya uzinduzi rasmi wa Muonekano  mpya wa jina na Nembo mpya ya Benki mpya ya  Serikali ya Biashara Tanzania Commercial Bank (TIB) ambayo ni muunganiko wa  Benki mbili TIB pamoja na  Benki ya Posta TPB zenye lengo la kuleta ushindani wa kibiashara.

 

Waziri wa Fedha na Mipango, Mheshimiwa Dkt.  Mwigulu Lameck Nchemba (watatu kushoto), akikabidhiwa mfano wa kadi zitakazotumika katika Benki hiyo na Afisa Mtendaji Mkuu wa  Benki ya TCB  Sabasaba Moshingi, wapili kulia

Waziri wa Fedha na Mipango, Mheshimiwa Dkt.  Mwigulu Lameck Nchwmba akipokea zawadi kutoka kwa Mwenyekiti wa Bodi wa Benki hiyo  Edmund Mndolwa.

Picha ya pamoja mara baada ya uzinduzi huo

WAZIRI wa Fedha na Mipango Dkt. Mwigulu Nchemba amezindua rasmi benki ya Serikali ya Biashara 'Tanzania Commercial Bank' (TCB,) ambayo ni muunganiko wa benki ya Maendeleo (TIB)na benki ya Posta (TPB) huku lengo kuu likielezwa ni kuundwa kwa benki kuu ya Serikali na ushindani ambayo itatoa huduma zote za kibenki na biashara kama benki nyingine za kibiashara duniani.

Akizungumza wakati wa uzinduzi huo Waziri Nchemba amesema benki hizo zimeunganishwa kwa kuzingatia ushauri na matakwa ya kisheria hivyo wafanyakazi wa benki hiyo mpya hawana budi kulitendea haki kwa jina hilo kwa kuhakikisha wanafanya kazi kwa bidii, ushindani na ubunifu wa hali ya juu na kuleta mageuzi makubwa ya kiutendaji, kimfumo na taswira ya kuhimili ushindani wa kibiashara katika sekta ya fedha.

Amesema, benki hiyo itahudumia wateja wote na wafanyabashara waliokuwa TPB na TIB na itatoa huduma kwa viwango vya kuhakikisha mageuzi zaidi yanaendelea katika sekta ya fedha nchini ili kujenga uchumi imara na shindani katika viwango vya kimataifa.

"Hizi ni jitihada za Serikali katika kujenga uchumi wa taifa kwa kuzingatia uadlifu na ubunifu na sisi Wizara ya fedha na benki kuu tutatoa ushirikiano katika kuijenga benki ya biashara ya Serikali nchini TCB.'' Amesema Mwigulu.

Aidha Waziri Nchemba amezishauri benki zote nchini kushusha riba katika hatua zilizopo mikononi mwao na hiyo ni pamoja na kuangalia namna wanavyofilisi mali za wateja pindi wanaposhindwa kurejesha mikopo yao.

"Baadhi ya madalali wamekuwa wakiendesha minada ya dhamana za wateja kitapeli, mteja anaweza kuwa amelipa asilimia 95 ya mkopo na kubaki asilimia 5 pekee....hapa baadhi ya madalali wasio waaminifu wanauza dhamana kwa mnada ambao unazidi fedha iliyobaki, huu ni utapeli." Amesema.

Pia Mwigulu amewashauri wananchi kutumia fursa za uwepo wa mabenki na kuacha tabia ya kukwepa mifumo rasmi ya fedha na kutumia mifumo isiyo rasmi ikiwemo kukopa sehemu za riba ya juu pamoja na masharti magumu yasiyoweza kuhimili kupitia biashara.

Awali Mkurugenzi mtendaji Mkuu wa benki TPB na sasa TCB Sabasaba Moshingi amesema kuanzishwa kwa benki hiyo ya biashara ya Serikali ni muhimu sana katika kujenga uchumi imara na shindani pamoja na kuimarisha sekta ya fedha.

Moshingi amesema, Benki kuu ya Tanzania (BOT,) pamoja na Wizara ya Fedha imesimamia mageuzi hayo na kuahidi kufanya kazi kwa uadilifu katika kujenga uchumi imara wa taifa.

Vilevile amesema, benki hiyo ikiwa taasisi ya umma itatoa huduma kwa wateja wote kuanzia ngazi ya chini kulingana na mahitaji yao.

Serikali imeendelea kuunganisha taasisi zake zinazofanya kazi zinazofanana ili kuimarisha ufanisi na ushindani zaidi, Benki ya Biashara ya Serikali (TCB,) ni zao la benki ya Posta (TPB) na benki ya Maendeleo (TIB.)

Read More

Yaraconnect Ya Kampuni Ya Mbolea Ya Yara Kuleta Suluhisho La Kidigitali Katika Sekta Ya Kilimo Nchini

 

Katibu Tawala Msaidizi, Uchumi na Uzalishaji wa Mbeya, Said Maditto ( kushoto), akizungumza na wauza pembejeo za kilimo wa Mkoa wa Mbeya na Songwe na wadau wengine wa mbolea ya Yara wakati wa uzinduzi wa programu ya yaraConnect mjini Mbeya leo. Alimwakilisha mkuu wa mkoa huo katika uzinduzi huo. Kushoto kwake ni Bwanashamba Mwandamizi wa Yara, Maulidi Mkima, Meneja Biashara Kanda ya Kusini, Andrew Ndundulu na Meneja Masuluhisho ya Kidigitali wa Yara, Deodath Mtei.

Katibu Tawala Msaidizi, Uchumi na Uzalishaji wa Mbeya, Said Maditto (katikati) waliokaa, Bwanashamba Mwandamizi wa kampuni ya mbolea ya Yara Tanzania, Maulidi Mkima (kushoto), na Meneja Biashara wa Yara Kanda ya Kusini , Andrew Ndundulu, wakipiga picha ya pamoja wauza pembejeo za kilimo wa Mkoa wa Mbeya na Songwe na wadau wengine wa mbolea ya Yara baada ya uzinduzi wa programu ya yaraConnect mjini Mbeya.

Meneja Huduma kwa Wateja Kidigitali wa Kampuni ya Mbolea ya Yara, Eva Sauwa (kulia), akitoa maelekezo kwa mmoja wa wauza pembejea za kampuni hiyo katika hafla ya uzinduzi wa programu ya yaraConect kwa Mkoa wa Njombe ambapo pamoja na mambo mengine wauzaji hao wa pembejeo za yara walipewa mafunzo mbalimbali ya matumizi ya programu hiyo na masuala mengine ya kitaalamu kuhusu kilimo na jinsi watakavyoweza kuwasaidia wakulima ambao ndio wateja wao kitaalamu. Hafla hiyo ilifanyika mjini Njombe jana.

Meneja Masuluhisho ya Kidigitali wa Kampuni ya Mbolea ya Yara, Deodath Mtei (wa pili kushoto), akitoa maelekezo kwa mmoja wa wauza pembejea za kamupuni hiyo katika hafla ya uzinduzi wa programu ya yaraConect kwa Mkoa wa Njombe ambapo pamoja na mambo mengine wauzaji hao wa pembejeo za yara walipewa mafunzo mbalimbali ya matumizi ya programu hiyo na masuala mengine ya kitaalamu kuhusu kilimo na jinsi watakavyoweza kuwasaidia wakulima ambao ndio wateja wao kitaalamu. Hafla hiyo ilifanyika mjini Njombe jana.

Katibu Tawala Msaidizi, Uchumi na Uzalishaji wa Mbeya, Said Maditto, akizungumza na wauza pembejeo za kilimo wa Mkoa wa Mbeya na Songwe na wadau wengine wa mbolea ya Yara wakati wa uzinduzi wa programu ya yaraConnect mjini Mbeya leo.

Meneja Masuluhisho ya Kidigitali wa Kampuni ya Mbolea ya Yara, Deodath Mtei akizungumza na wauza pembejeo za kilimo wa Mkoa wa Mbeya na Songwe na wadau wengine wa mbolea ya Yara wakati wa uzinduzi wa programu ya yaraConnect mjini Mbeya leo. 

Read More

Dk Batilda Aipongeza Yara Kuwezesha Kilimo Kidigitali

      

Mkuu wa Mkoa wa Tabora, Balozi Dk. Batilda Burian akitoa hotuba kuzindua program ya yaraConnect ya Kampuni ya mbolea ya Yara, inayolenga katika kutoa elimu ya utaalamu wa kilimo katika hafla iliyofanyika mkoani humo jana. Kushoto kwake ni Mkuu wa Wilata ya Tabora, Dk. Yahya Nawanda na Meneja Masuluhisho ya Kidigitali wa Kampuni ya Yara, Deodath Mtei. Progamu hiyo inapatikana katika simu janja kupitia programu za play store na app store.

Mkuu wa Wilaya ya Tabora, Dk. Yahya Nawanda, akizungumza wakati wa hafla ya uzinduzi wa program ya yaraConnect kwa Mkoa wa Dodoma jana. Programu hiyo inayopatikana kwenye simu janja kupitia ‘play store na app store’ inalenga katika kutoa elimu ya utaalamu wa masuala ya kilimo ilizinduliwa na Mkuu wa Mkoa huo, Balozi Dk. Batilda Burian (kushoto kwake

Mkuu wa Mkoa wa Tabora, Balozi Dk. Batilda Burian (kulia), akitambulishwa kwa baadhi ya wafanyakazi wa Kampuni ya Mbolea ya Yara na Bwanashamba Mauzo Kanda ya Ziwa na Magharibi wa kampuni hiyo, Khaji Halidi (kulia kwake), alipokwenda kuzindua program ya yaraConnect kwa Mkoa wa Dodoma jana. Programu hiyo inayopatikana katika simu janja kupitia ‘play store na app store’ inalenga katika kutoa elimu ya utaalamu wa masuala ya kilimo.

 

Mkuu wa Mkoa wa Tabora Balozi Dk. Batilda Burian (wa pili kulia) na Mkuu wa Wilaya ya Tabora, Dk. Yahya Nawanda (kushoto), akiwa na baadhi ya maofisa wa Kampuni ya Mbolea ya Yara wakati wakiwasili kwa ajili ya uzinduzi wa program ya yaraConnect kwa mkoa wa Tabora jana. Programu hiyo inayopatikana katika simu janja kupitia ‘play store na app store’ inalenga katika kutoa elimu ya utaalamu wa masuala ya kilimo. Wa pili kushoto ni Meneja Masoko wa Yara, Sheila Chatto na Meneja Huduma kwa Wateja Kidigitali, Eva Sauwa.

Baadhi ya mawakala na wauzaji wa mbolea ya Yara mkoani Tabora wakihudhuria uzinduzi wa programu ya yaraConnect kwa mkoa huo mjini humo jana. Programu hiyo inayolenga katika kutoa elimu ya kitaalamu katika masuala ya kilimo inapatikana katika simu janja kupitia programu za play store na app store.

 

Meneja Masuluhisho wa Huduma za Kidigitali wa Kampuni ya Mbolea ya Yara, Deodath Mtei (katikati), akielekeza jinsi ya kujiunga na programu ya yaraConnect kwa baadhi ya mawakala wa mbolea ya yara wa Mkoani Tabora, wakati wa uzinduzi wa programu hiyo mkoani humu jana. Programu ya yaraConnect inapatikana kwenye simu janja kupitia ‘play store na app store’

Read More