Benki ya Absa Tanzania na ASA Microfinance Yaadhimisha Miaka Minne ya Mafanikio katika Kuwawezesha Wanawake na Kubadilisha Jamii

Mkurugenzi Mtendaji wa Benki ya Absa Tanzania, Bw. Obedi Laiser (Katikati), akizungumza na waandishi wa habari jijini Dar es Salaam leo, wakati akitangaza mafanikio ya ushirikiano wa kibiashara kati ya benki hiyo na taasisi inayotoa huduma za kifedha ya ASA Microfinance kwa kipindi cha miaka minne. Kupitia ushirikiano huo, Benki ya Absa imeikopesha ASA kiasi cha shs billioni 40 zilizoiwezesha taasisi hiyo kutoa mikopo kwa wanawake wajasiriamali zaidi ya 50,000 kutoka sehemu mbalimbali nchini Tanzania. Wengine kutoka kushoto ni, Meneja Huduma za Jamii na Matukio wa Benki ya Absa, Bi. Abigail Lukuvi, Mkurugenzi wa wateja wa Makampuni wa Absa, Nellyana Mmanyi, Ofisa Mtendaji Mkuu wa ASA Microfinance Tanzania, Bw. Muhammad Shah Newaj na Meneja Mahusiano ya Jamii na Utawala wa ASA, Bi. Veneranda Francis.

Benki ya Absa Tanzania, kwa ushirikiano na taasisi inayotoa huduma za kifedha ya ASA Microfinance, inajivunia kuadhimisha mwaka wa nne wa ushirikiano wa kipekee ambao umewezesha zaidi ya wanawake wajasiriamali 50,000 nchini Tanzania kupata mikopo yenye thamani ya zaidi ya shilingi bilioni 40 za Kitanzania.

Tangu kuanzishwa kwake mwaka 2022, ushirikiano huu wa muda mrefu umeenda zaidi ya kutoa mikopo pekee, kila mwanamke mjasiriamali aliyewezeshwa si tu anabadilisha maisha yake binafsi, bali pia anagusa maisha ya familia yake, wafanyakazi, wasambazaji, na jamii pana inayomzunguka. Utafiti wa maendeleo unaonyesha kwamba kumwezesha mjasiriamali mmoja mwanamke nchini Tanzania kunaweza kuinua maisha ya watu 15 hadi 20 walioko karibu naye, hii inamaanisha kwamba ushirikiano kati ya Benki ya Absa na ASA Microfinance umegusa maisha ya karibu watanzania milioni moja, ukiimarisha familia na kuchochea ukuaji jumuishi wa kiuchumi.

Akizungumza kuhusu mafanikio haya jijini Dar es Salaam leo katika mkutano na waandishi wa habari, Obedi Laiser, Mkurugenzi Mtendaji wa Benki ya Absa Tanzania, alisema: “Taasisi nyingi huzingatia uwezeshaji wa wanawake kama mradi wa muda mfupi, kwa Absa, hili ni jukumu lenye kusukumwa na dhamira ya kweli. Kwa kuwawezesha zaidi ya wanawake 50,000 kupata mitaji na kukuza biashara zao, tunaona athari chanya zinazopanuka, zinazobadilisha familia, kuelimisha watoto, kuunda ajira, na kujenga ustahimilivu katika jamii. Hivi ndivyo tunavyoishi kauli mbiu yetu ya Kuiwezesha Afrika ya kesho, pamoja… hatua moja baada ya nyingine, kwa sababu kwetu Absa, Stori yako ina thamani.”

Kwa upande wake, Muhammad Shah Newaj, Ofisa Mtendaji kuu wa ASA Microfinance Tanzania, aliongeza:

“Ushirikiano wetu na Benki ya Absa Tanzania umeleta mageuzi makubwa. Kupitia msaada wa Absa, ASA imeweza kupanua huduma za mikopo midogo kwa maelfu ya wanawake wajasiriamali ambao wangeachwa nje ya mfumo rasmi wa kifedha. Pamoja, hatufadhili biashara pekee , tunafadhili heshima, matumaini, na fursa zinazoinua vizazi.”

Katika kipindi cha miaka minne iliyopita, ushirikiano huu umeunganisha utoaji wa mitaji na mafunzo ya elimu ya kifedha, kuhakikisha kwamba wanawake wajasiriamali hawapati mikopo tu bali pia maarifa ya kuiendesha kwa uendelevu. Mapema mwezi huu, wanawake 50 kutoka Dar es Salaam walishiriki katika programu ya elimu ya kifedha iliyojumuisha mada za upangaji bajeti, akiba, uwekezaji, na utunzaji wa kumbukumbu, hatua muhimu katika kubadilisha mikopo kuwa uwezeshaji endelevu wa kiuchumi.

Mpango huu unaonyesha mkakati wa Uwajibikaji wa Kijamii wa Absa, unaolenga ujumuishaji wa kifedha, ujasiriamali, na maendeleo endelevu. Pia unaendana na ajenda ya kitaifa ya ujumuishaji wa kifedha nchini Tanzania kwa kupanua huduma za mikopo na elimu kwa makundi yasiyohudumiwa ipasavyo, hivyo kuleta mabadiliko ya kudumu ya ustahimilivu wa kiuchumi.

Kupitia ushirikiano huu endelevu, Benki ya Absa Tanzania na ASA Microfinance zinaendelea kuandika simulizi za mabadiliko , simulizi ambazo mwanamke mmoja aliyewezeshwa hubadilisha si maisha yake tu, bali pia maisha ya wengi.

Mkurugenzi Mtendaji wa Benki ya Absa Tanzania, Bw. Obedi Laiser (wa tatu kushoto), akikabidhi tuzo kwa Ofisa Mtendaji Mkuu wa Taasisi inayotoa huduma za kifedha ya ASA Microfinance Tanzania, Bw. Muhammad Shah Newaj, kwa kutambua mchango wa taasisi hiyo, katika kuwawezesha wanawake wajasiriamali nchini, kwa kupitia masuluhisho mbalimbali ya kifedha. Ilikuwa ni katika hafla ambayo Absa ilitangaza mafanikio ya ushirikiano wa kibiashara kati ya benki na taasisi hiyo kwa kipindi cha miaka minne. Kupitia ushirikiano huo, Benki ya Absa imeikopesha ASA kiasi cha shs billioni 40 zilizoiwezesha taasisi hiyo kutoa mikopo kwa wanawake wajasiriamali zaidi ya 50,000 kutoka sehemu mbalimbali nchini Tanzania. Wengine kutoka kushoto ni, Meneja Huduma za Jamii na Matukio wa Benki ya Absa, Bi. Abigail Lukuvi, Mkurugenzi wa wateja wa Makampuni wa Absa, Bi. Nellyana Mmanyi, na Meneja Mahusiano ya Jamii na Utawala wa ASA Microfinance, Bi. Veneranda Francis.

Meneja Huduma za Jamii na Matukio wa Benki ya Absa Tanzania, Bi. Abigal Lukuvi (kushoto), akizungumza katika hafla ambayo, Mkurugenzi Mtendaji wa benki hiyo, Bw. Obedi Laiser (wa tatu kushoto), akitangaza mafanikio ya ushirikiano wa kibiashara kati ya benki hiyo na taasisi inayotoa huduma za kifedha ya ASA Microfinance kwa kipindi cha miaka minne. Kupitia ushirikiano huo, Benki ya Absa imeikopesha ASA kiasi cha shs billioni 40 zilizoiwezesha taasisi hiyo kutoa mikopo kwa wanawake wajasiriamali zaidi ya 50,000 kutoka sehemu mbalimbali nchini Tanzania. Wengine kutoka kushoto kwake ni, Mkurugenzi wa wateja wa Makampuni, Bi. Nellyana Mmanyi, Ofisa Mtendaji Mkuu wa ASA Microfinance Tanzania, Bw. Muhammad Shah na Meneja Mahusiano ya Jamii na Utawala wa ASA, Bi. Veneranda Francis.

Read More

BENKI YA ABSA TANZANIA YAZINDUA KLABU YA MATEMBEZI NA MBIO FUPI IKIHAMASISHA UMUHIMU WA MAZOEZI KWA AFYA YA MWILI NA AKILI

Mkuu wa Kitengo cha Biashara wa Benki ya Absa Tanzania, Bw. Melvin Saprapasen (katikati) na Mkurugenzi wa Masoko ya Fedha wa Absa Tanzania, Bi.Irene Rwegalulira (kushoto) wakizindua rasmi Klabu ya matembezi na mbio fupi ya benki hiyo itakayoshirikisha wafanyakazi wa kitengo hicho na wateja wao. Hafla hii ilifanyika jijini Dar es Salaam leo. Klabu hiyo itaendesha matembezi hayo mara mbili kwa mwezi ikiwa na malengo ya kuimarisha mahusiano kati ya benki na wateja na pia kuhamasisha umuhimu wa mazoezi ya mwili kwa ustawi wa afya ya mwili na akili.

Meneja Huduma za Jamii na Matukio wa Benki ya Absa Tanzania, Bi. Abigail Lukuvi (kulia) akiwatangulia baadhi ya wafanyakazi na wateja wa kitengo cha biashar, wakati wa uzinduzi rasmi wa Klabu ya matembezi na mbio fupi ya benki hiyo itakayoshirikisha wafanyakazi wa kitengo hicho na wateja. Hafla hii ilifanyika jijini Dar es Salaam leo. Klabu hiyo itaendesha matembezi hayo mara mbili kwa mwezi ikiwa na malengo ya kuimarisha mahusiano kati ya benki na wateja na pia kuhamasisha umuhimu wa mazoezi ya mwili kwa ustawi wa afya ya mwili na akili.

Baadhi ya wafanyakazi wa Benki ya Absa Tanzania kitengo cha biashara pamoja na wateja wao, wakishiriki matembezi na mbio fupi jijini Dar es Salaam leo katika hafla ya uzinduzi rasmi wa Klabu ya matembezi na mbio fupi ya benki hiyo itakayoshirikisha wafanyakazi wa kitengo hicho na wateja. Klabu hiyo itaendesha matembezi hayo mara mbili kwa mwezi ikiwa na malengo ya kuimarisha mahusiano kati ya benki na wateja na pia kuhamasisha umuhimu wa mazoezi ya mwili kwa ustawi wa afya ya mwili na akili.

Baadhi ya wafanyakazi wa Benki ya Absa Tanzania kitengo cha biashara pamoja na wateja, wakipiga picha ya pamoja mara baada ya uzinduzi rasmi wa Klabu ya matembezi na mbio fupi ya benki hiyo itakayoshirikisha wafanyakazi wa kitengo hicho na wateja. Klabu hiyo itaendesha matembezi hayo mara mbili kwa mwezi ikiwa na malengo ya kuimarisha mahusiano kati ya benki na wateja na pia kuhamasisha umuhimu wa mazoezi ya mwili kwa ustawi wa afya ya mwili na akili.

Read More

WASHINDI WA ABSA GIRLCODE HACKATHON 2015 WAPONGEZWA

Mkurugenzi wa Kitengo cha Teknolojia wa Benki ya Absa Tanzania, Bw. Emanuel Mwinuka (wa nne kushoto) akizungumza na washiriki wa programu iliyopewa jina la 'Absa GirlCode Hackathon 2025' ambapo wanafunzi wa vyuo vikuu wa kike walitakiwa kutengeneza Kodi za kidigitali zitakazoleta ufumbuzi utakaosaidia sekta za kibenki pamoja na jamii kwa ujumla. Hafla hiyo ilifanyika jijini Dar es Salaam jana. Kulia kwake ni Mkuu wa Kitengo cha Malipo ya Kibenki ya Absa, Bi. Rose Mwingira.

Mkurugenzi wa Kitengo cha Rasilimali Watu wa Benki ya Absa Tanzania, Bw. Patrick Foya (wa pili kulia) akikabidhi cheti kwa washindi wa kwanza, Kikundi cha Tokiva Sisters wakati wa programu iliyopewa jina la 'Absa GirlCode Hackathon 2025' ambapo wanafunzi wa vyuo vikuu wa kike walitakiwa kutengeneza Kodi za kidigitali zitakazoleta ufumbuzi utakaosaidia sekta za kibenki pamoja na jamii kwa ujumla iliyofanyika jijini Dar es Salaam jana. Kutoka kulia ni Mkurugenzi wa Uendeshaji wa Benki hiyo, Bw. Oscar Mwamfwagasi na Mkurugenzi wa Kitengo cha Teknolojia wa Benki ya Absa Tanzania, Bw. Emanuel Mwinuka.

Mkurugenzi wa Flo Pads, Bi.Flora Njelekela (kulia) akikabidhi cheti kwa washindi wa pili kikundi cha Code Crafters wakati wa programu iliyopewa jina la 'Absa GirlCode Hackathon 2025', ambapo wanafunzi wa vyuo vikuu wa kike walitakiwa kutengeneza Kodi za kidigitali zitakazoleta ufumbuzi utakaosaidia sekta za kibenki pamoja na jamii kwa ujumla. Hafla hiyo ilifanyika jijini Dar es Salaam jana.

Mkurugenzi wa Uendeshaji wa Benki ya Absa Tanzania, Bw. Oscar Mwamfwagasi (kulia) akikabidhi cheti kwa washindi wa tatu kikundi cha Tech Divas wakati wa programu iliyopewa jina la 'Absa GirlCode Hackathon 2025' ambapo wanafunzi wa vyuo vikuu wa kike walitakiwa kutengeneza Kodi za kidigitali zitakazoleta ufumbuzi utakaosaidia sekta za kibenki pamoja na jamii kwa ujumla. Hafla hiyo ilifanyika jijini Dar es Salaam jana.

Meneja Huduma za Jamii wa Benki ya Absa Tanzania, Bi. Abigail Lukuvi (katikati), akizungumza na baadhi ya washiriki wa programu ya 'Absa GirlCode Hackathon 2025', ambapo wanafunzi wa vyuo vikuu wa kike walitakiwa kutengeneza Kodi za kidigitali zitakazoleta ufumbuzi utakaosaidia sekta za kibenki pamoja na jamii kwa ujumla. Hafla hiyo ilifanyika jijini Dar es Salaam jana.

Read More

BENKI YA ABSA TANZANIA KUENDELEA KUWAWEZESHA WAJASIRIAMALI WENGI ZAIDI NCHINI

Meneja Huduma za Jamii na Matukio wa Benki ya Absa Tanzania, Bi. Abigail Lukuvi (kulia), akizungumza na baadhi ya wanawake wajasiriamali, wanachama wa taasisi inayotoa huduma za kifedha ya ASA Microfinance Tanzania, katika semina iliyoandaliwa na taasisi hiyo kwa uwezeshaji wa benki hiyo ikihusu elimu ya kifedha na jinsi ya kusimamia biashara kwa ufanisi, jijini Dar es Salaam jana. Mafunzo haya ni sehemu ya mikakati ya benki hiyo ya kuwawezesha wajasiriamali nchini sambamba na Lengo la Benki ya Absa la Kuiwezesha Afrika ya Kesho, Pamoja, hatua moja baada ya nyingine, kupitia chapa ya benki hiyo inayosema 'Stori yako ni ya thamani'.

Ofisa Mtendaji Mkuu wa Taasisi inayotoa huduma za kifedha ya ASA Microfinance Tanzania, Mr. Muhammed Shah Newaj (kulia), akizungumza kuhusu mahusiano ya kibiashara kati ya taasisi hiyo na Benki ya Absa Tanzania, wakati wa semina ya wanawake wajasiriamali wanachama wa taasisi hiyo kuhusu elimu ya kifedha na jinsi ya kusimamia biashara kwa ufanisi, jijini Dar es Salaam jana. Mafunzo haya ni sehemu ya mikakati ya Benki ya Absa katika kuwawezesha wajasiriamali nchini sambamba na Lengo la benki hiyo la 'Kuiwezesha Afrika ya Kesho, Pamoja, hatua moja baada ya nyingine', kupitia chapa ya benki hiyo inayosema 'Stori yako ni ya thamani'.

Mkufunzi wa masuala ya kifedha, Bw. Edmund Munyagi (kulia), akifundisha kuhusu 'Usimamizi Binafsi wa Fedha' wakati wa semina iliyoandaliwa na Taasisi ya huduma za kifedha ya ASA Microfinance Tanzania na kuwezeshwa na Benki ya Absa Tanzania, ikishirikisha wanawake wajasiriamali wanachama wa taasisi hiyo jijini Dar es Salaam jana. Semina hiyo iliyohusu elimu ya kifedha na usimamizi wa biashara wenye tija ni sehemu ya mikakati ya Benki ya Absa nchini ya kuwawezesha wajasiriamali sambamba na Lengo la benki hiyo la Kuiwezesha Afrika ya Kesho, Pamoja, hatua moja baada ya nyingine, kupitia chapa ya benki hiyo inayosema 'Stori yako ni ya thamani'.

Mmoja wa wanawake wajasiariamali mwanachama wa Taasisi ya huduma za kifedha ya ASA Microfinance Tanzania, akichangia hoja wakati wa semina kuhusu elimu ya kifedha na usimamizi wa biashara wenye tija, iliyoandaliwa na taasisi hiyo ikiwezeshwa na Benki ya Absa Tanzania, jijini Dar es Salaam jana. Mafunzo haya ni sehemu ya mikakati ya benki hiyo katika kuwawezesha wajasiriamali nchini sambamba na Lengo la benki hiyo la 'Kuiwezesha Afrika ya Kesho, Pamoja, hatua moja baada ya nyingine', kupitia chapa ya benki hiyo inayosema 'Stori yako ni ya thamani'.

Baadhi ya wanawake wajasiriamali wanachama wa Taasisi ya huduma za kifedha ya ASA Microfinance Tanzania, wakishagilia wakati Meneja Huduma za Jamii na Matukio wa Benki ya Absa Tanzania, Bi. Abigail Lukuvi akizungumza nao wakati wa semina kuhusu elimu ya kifedha na jinsi ya kusimamia biashara kwa ufanisi, iliyoandaliwa na Taasisi ya ASA Microfinance Tanzania kwa uwezeshaji wa benki hiyo, jijini Dar es Salaam jana. Semina hiyo ni sehemu ya mikakati ya benki hiyo katika kuwawezesha wajasiriamali nchini sambamba na Lengo la benki hiyo la 'Kuiwezesha Afrika ya Kesho, Pamoja, hatua moja baada ya nyingine', kupitia chapa ya benki hiyo inayosema 'Stori yako ni ya thamani'.

Meneja Huduma za Jamii na Matukio wa Benki ya Absa Tanzania, Bi. Abigail Lukuvi (katikati), baadhi ya wafanyakazi wa Taasisi inayotoa huduma za kifedha ya ASA Microfinance Tanzania na wanachama wao, wakionesha alama ya ushindi mara baada ya semina iliyoandaliwa na taasisi hiyo kwa uwezeshaji wa benki hiyo ikihusu elimu ya kifedha na jinsi ya kusimamia biashara kwa ufanisi, jijini Dar es Salaam jana. Mafunzo hayo ni sehemu ya mikakati ya benki hiyo ya kuwawezesha wajasiriamali nchini sambamba na Lengo la Benki ya Absa la Kuiwezesha Afrika ya Kesho, Pamoja, hatua moja baada ya nyingine, kupitia chapa ya benki hiyo inayosema 'Stori yako ni ya thamani'.

Read More

Airtel Africa Foundation unveils plan for improving 10 million lives in Africa by 2030

Airtel Africa Foundation, the philanthropic arm of Airtel Africa plc, today unveiled its plans to directly improve the lives of 10 million people across the continent by 2030. The strategy will be delivered through targeted initiatives under four core pillars namely Financial Empowerment, Education, Environmental Protection and Digital Inclusion (FEED).

Outlining the ambitious target, Dr. Segun Ogunsanya, Chairman of the Airtel Africa Foundation, stated, “Our 2030 vision is a transformed Africa where over 10 million lives are directly improved through our interventions. We are not just donating resources, we are building a pipeline of talent and fostering innovation to ensure the global digital revolution leaves no African behind. This is a strategic, measurable commitment to unlocking the continent's demographic dividend.”

The Foundation’s mission will be executed by creating a cycle of empowerment through targeted programmes. These include ‘Connecting Schools’, which provides free connectivity and devices, and the ‘Airtel Africa Fellowship’, offering full undergraduate scholarships in tech and STEM fields, complemented by mentorship and internships.

A key early success underscoring the Foundation's impact is its ongoing partnership with UNICEF. This collaboration has already connected more than 1,800 schools, benefitted over one million students, and trained more than 17,000 teachers in digital education across the Foundation’s 14 markets of operation.

In addition, the Foundation will leverage its dedicated Employee Volunteer Programme, channelling the skills and passion of its people directly into community initiatives. For the 2025/26 financial year, the Foundation has set specific expansion targets, with programmes now active across all its operating countries, from Nigeria to Zambia, Malawi, Rwanda, and the Democratic Republic of the Congo.

Commenting on the company's support for the Foundation, Airtel Africa’s Chief Executive Officer, Sunil Taldar, said, “We cannot thrive in a place that is not thriving. This understanding is the very reason the Airtel Africa Foundation was born. It is our vehicle to catalyse transformation, by systematically investing in the pillars that underpin a resilient and dynamic society. We have remained dedicated to transforming lives both as a business imperative as well as our overarching philosophy. For us, helping to connect the unconnected, banking the unbanked and enabling businesses and economies to thrive are the three most significant objectives of our business.”

Read More

LG Electronics yafungua duka jipya la kisasa jijini Dar es Salaam

Kutoka Kushoto ni Meneja Mkaazi wa kampuni ya LG Tanzania, Aashim Wadhw, Afisa Mtendaji Mkuu wa Kampuni ya Mohammed Enterprises Tanzania (MeTL) Indrabhuwan Singh, na Mkurugenzi wa F&S, Frank Rwamlima, pamoja na Mkurugenzi wa Masoko wa kampuni ya (MeTL) Fatma Dewji, wakikata utepe kuashiria uzinduzi rasmi Duka jipya la LG Electronics Mlimani City, Dar es Salaam.”

Dar es Salaam, Septemba 24, 2025 – Kampuni ya LG Electronics Kanda ya Afrika Mashariki imezindua duka jipya la bidhaa zake (brandshop) katika Kituo cha Ununuzi cha Mlimani City jijini Dar es Salaam, ikiwa ni sehemu ya mkakati wa kuimarisha uwepo wake kwenye soko la Afrika Mashariki.

Duka hilo jipya limefunguliwa kwa ushirikiano na kampuni ya F&S pamoja na msambazaji rasmi wa bidhaa za LG nchini, METL. Hatua hiyo inalenga kuongeza urahisi wa upatikanaji wa bidhaa za LG huku wateja wakipewa huduma za kisasa zenye viwango vya kimataifa.

Akizungumza wakati wa uzinduzi, Meneja wa LG Electronics Tanzania, Aashim Wadhwa alisema“Duka hili jipya ni uthibitisho wa dhamira ya LG kuendelea kuwapatia wateja wa Tanzania teknolojia za kisasa na huduma bora zaidi. Dar es Salaam ni jiji lenye kasi kubwa ya ukuaji, na tunaona fursa kubwa ya kushirikiana na ukuaji huo kwa kuwakaribia zaidi wateja wetu na kuhakikisha wanapata msaada wa baada ya mauzo kwa kiwango cha juu.”

Katika duka hili, wateja wataweza kushuhudia na kutumia moja kwa moja ubunifu wa hivi karibuni wa LG, ikiwemo vifaa vya nyumbani (home appliances), vifaa vya burudani majumbani (home entertainment systems) na suluhisho za hali ya hewa (HVAC). Pia kutakuwa na huduma ya haraka, usaidizi wa baada ya mauzo na uhakika wa kupata bidhaa halisi.

Mwakilishi wa F&S alisema Frank Mwamlima-F&S Tunafurahia kushirikiana na LG na METL kuwaletea Watanzania uzoefu wa ununuzi wa kisasa.

 Duka hili litawawezesha wateja kuona na kutumia bidhaa za LG moja kwa moja, na hivyo kuwasaidia kufanya maamuzi sahihi ya ununuzi katika mazingira ya kiwango cha kimataifa.

”kwa upande wake, mwakilishi wa METL aliongeza kuwa“Uzinduzi huu ni ishara ya uhusiano unaozidi kukua kati ya METL na LG East Africa. LG ni chapa inayotambulika duniani kwa ubora na uimara wake, na duka hili linaonesha dhamira yetu ya pamoja ya kuwaletea Watanzania bidhaa zenye viwango vya juu, imara na za kuaminika.”

Kwa mujibu wa tafiti, soko la vifaa vya nyumbani Afrika Mashariki linatarajiwa kukua kwa wastani wa asilimia 6.55 kila mwaka, huku familia nyingi zikielekeza kipaumbele katika teknolojia endelevu na zenye kuokoa gharama.

Duka jipya la LG jijini Dar es Salaam ni sehemu ya mkakati mpana wa upanuzi wa kampuni hiyo katika ukanda wa Afrika Mashariki, ambapo tayari imejitanua katika nchi mbalimbali zikiwemo Kenya, Sudan, Ethiopia, Tanzania, Somalia, Uganda, Zambia, Sudan Kusini na Rwanda. Kupitia uwekezaji huu, LG inalenga kuongeza upatikanaji wa bidhaa zake, kuboresha huduma kwa wateja na kuimarisha uzoefu wa matumizi ya teknolojia za kisasa.

Read More

Airtel Tanzania yaifikisha SmartWASOMI kwa walimu wa IT visiwani Zanzibar

 

Ofisa Vifaa vya Intaneti wa Mradi wa Airtel SmartWASOMI, Bw. Harrison Isdory (kushoto), akitoa maelekezo kuhusu matumizi ya baadhi ya vifaa vya intaneti katika warsha iliyoandaliwa kwa walimu wa IT, mjini Zanzibar hivi karibuni, iliyoandaliwa na Airtel Tanzania kupitia Airtel Africa Foundation, kwa kushirikiana na Shirika la Kimataifa la Kuhudumia Watoto (UNICEF) na Wizara ya Elimu, chini ya mpango wa Airtel SmartWASOMI, unaolenga kuboresha elimu ya kidigitali kwa kuwawezesha walimu na wanafunzi kupata maudhui ya kielimu kupitia maktaba mtandao ya Taasisi ya Elimu Tanzania na Shule Direct bila gharama ya vifurushi vya data.

Airtel Tanzania, kupitia Airtel Africa Foundation na kwa kushirikiana na UNICEF pamoja na Wizara ya Elimu, Sayansi na Teknolojia, imeendesha warsha ya mafunzo kwa walimu wa Zanzibar mwishoni mwa wiki, ikiwa ni sehemu ya utekelezaji wa mpango wa Airtel SmartWASOMI. Mpango huu wa elimu ya kidijitali unalenga kuongeza upatikanaji wa elimu bora kupitia teknolojia kote nchini Tanzania.

Warsha hiyo iliwaunganisha walimu 36 kutoka shule mbalimbali za sekondari ambazo tayari zimeunganishwa na jukwaa la Airtel SmartWASOMI. Tangu uzinduzi wake mwezi Mei 2024 na Waziri Mkuu Kassim Majaliwa, mpango wa Airtel SmartWASOMI umefikia zaidi ya shule 400 na umeleta athari chanya kwa maelfu ya walimu na wanafunzi nchini. Jukwaa hili linatoa huduma ya bure ya mtandao kwa rasilimali muhimu za kielimu, ikiwa ni pamoja na maudhui yaliyoidhinishwa na Taasisi ya Elimu Tanzania (TIE) na Shule Direct, hivyo kuwawezesha walimu na wanafunzi kujifunza bila wasiwasi wa gharama za data.

Mgeni rasmi katika tukio hilo, Mkurugenzi wa Elimu ya Sekondari Zanzibar, Bi. Asia Iddy Issa, alisifu mpango huo na kusisitiza kwamba unakwenda sambamba na malengo ya kitaifa.

“Mpango huu unasaidia ndoto yetu ya kuunda kizazi chenye uelewa wa kidijitali na unatatua changamoto zilizokwamisha upatikanaji wa nyenzo bora za kujifunzia, hasa katika maeneo yenye uhitaji mkubwa kwa kuwajengea uwezo walimu na kuondoa kikwazo cha gharama za data, tunapunguza pengo kati ya mbinu za kiasili za ufundishaji na ufundishaji wa kisasa,” alisema Asia.

Akaendeleo kusema, “Tunakaribisha kwa moyo mmoja suluhisho kama hili bunifu, kwani linakamilisha juhudi zetu za kuimarisha mfumo wa elimu kwa njia ya kidijitali, tunatarajia kuona shule nyingi zaidi Zanzibar zikifaidi kupitia Airtel SmartWASOMI, na tumejizatiti kushirikiana na wadau wote kuhakikisha kuna matokeo ya kudumu.”

Akizungumza kwa niaba ya Wizara ya Elimu, Mkuu wa Idara ya Elimu ya Sekondari Zanzibar, Mfaume Jaffary Mfaume ambaye pia alifungua warsha hiyo, alisisitiza umuhimu wa kuwaunga mkono walimu katika mabadiliko ya kidijitali.

“Warsha hii inawawezesha walimu kutumia kwa ufanisi zana za kidijitali ili kuboresha utoaji wa somo, kurahisisha upangaji wa masomo, na kuleta matokeo bora ya kujifunza, Airtel SmartWASOMI ni njia rahisi, thabiti na jumuishi ya kuwaunganisha walimu na wanafunzi na rasilimali bora za kujifunzia bila gharama za data,” alisema.

Katika warsha hiyo, walimu walipata mafunzo ya vitendo kuhusu namna ya kuvinjari maudhui ya mitaala, kuunganisha rasilimali za kidijitali katika masomo yao, na kufuatilia ushiriki wa wanafunzi kwa ufanisi zaidi. Pia walihimizwa kujifunza kwa kushirikiana, kushirikiana mawazo, na kujenga mtandao wa walimu waliowezeshwa kwa njia ya kidijitali.

Walimu waliohudhuria walielezea shukrani zao kwa Airtel Africa Foundation, UNICEF na serikali kwa kuanzisha mpango unaosaidia mbinu za kisasa, zinazopatikana kwa urahisi na zenye ufanisi katika shule.

Kwa upande wake, Yussuf Mwadini Haji, mwalimu wa Shule ya Sekondari Hamamni, alisema, “Kabla ya warsha hii, wengi wetu hatukujua uwezo mkubwa wa zana za kidijitali. Sasa najisikia kuwa na ujasiri na hamasa ya kufanya masomo yangu yawe ya kuvutia zaidi kwa wanafunzi.”

Mwalimu mwingine, Amina Hamza Shaabani kutoka Shule ya Sekondari Forodhani, aliongeza, “Airtel SMARTWASOMI imefungua fursa mpya. Sasa tunapata maudhui ya kisasa bila gharama za data, jambo ambalo limepunguza mzigo mkubwa.”

Mafunzo haya ni sehemu ya dhamira pana ya Airtel Tanzania ya kuunganisha zaidi ya shule 1,000 ifikapo mwisho wa mwaka 2025. Kampuni hiI ya mawasiliano inaendelea kuwekeza katika miundombinu ya kidijitali, ushirikiano na jamii, pamoja na kushirikiana kwa karibu na wadau ili kupanua wigo na manufaa ya mpango wa Airtel SmartWASOMI. Mpango huu unachangia moja kwa moja malengo ya taifa ya kuboresha uelewa wa kidijitali, kupunguza pengo la elimu, na kuhakikisha walimu na wanafunzi katika maeneo yote wanapata elimu bora ya kidijitali.

Mkurugenzi wa Elimu ya Sekondari visiwani Zanzibar, Bi. Asia Iddy Issa, akizungumza katika katika warsha iliyoandaliwa kwa walimu wa IT, mjini Zanzibar hivi karibuni, iliyoandaliwa na Airtel Tanzania kupitia Airtel Africa Foundation, kwa kushirikiana na Shirika la Kimataifa la Kuhudumia Watoto (UNICEF) na Wizara ya Elimu, chini ya mpango wa Airtel SmartWASOMI, unaolenga kuboresha elimu ya kidigitali kwa kuwawezesha walimu na wanafunzi kupata maudhui ya kielimu kupitia maktaba mtandao ya Taasisi ya Elimu Tanzania na Shule Direct bila gharama ya vifurushi vya data.

Ofisa Vifaa vya Intaneti wa Mradi wa Airtel SmartWASOMI, Bw. Harrison Isdory (kushoto), na Mratibu wa Elimu wa Taasisi ya Elimu Tanzania (TIE), Bw. Charles Manyama (kulia), wakiangalia wakati Mwalimu wa Shule ya Sekondari Hammamni ya mjini Zanzibar, Bw. Yussuf Mwadini Haji, akifanya usajili katika mfumo wa TIE, wakati wa warsha iliyoandaliwa kwa walimu hao, visiwani humo, jana, iliyoandaliwa na Airtel Tanzania kupitia Airtel Africa Foundation, kwa kushirikiana na Shirika la Kimataifa la Kuhudumia Watoto (UNICEF) na Wizara ya Elimu, chini ya mpango wa Airtel SmartWASOMI, unaolenga kuboresha elimu ya kidigitali kwa kuwawezesha walimu na wanafunzi kupata maudhui ya kielimu kupitia maktaba mtandao ya Taasisi ya Elimu Tanzania na Shule Direct bila gharama ya vifurushi vya data.

Ofisa Vifaa vya Intaneti wa Mradi wa Airtel SmartWASOMI, Bw. Harrison Isdory (kulia), akizungumza na baadhi ya walimu wa IT mjini Zanzibar, katika warsha iliyoandaliwa kwa walimu hao, na Airtel Tanzania kupitia Airtel Africa Foundation, kwa kushirikiana na Shirika la Kimataifa la Kuhudumia Watoto (UNICEF) na Wizara ya Elimu, chini ya mpango wa Airtel SmartWASOMI, unaolenga kuboresha elimu ya kidigitali kwa kuwawezesha walimu na wanafunzi kupata maudhui ya kielimu kupitia maktaba mtandao ya Taasisi ya Elimu Tanzania na Shule Direct bila gharama ya vifurushi vya data.

Baadhi ya walimu wa IT mjini Zanzibar hivi karibuni, wakiwa katika warsha iliyoandaliwa kwa walimu hao na Airtel Tanzania kupitia Airtel Africa Foundation, kwa kushirikiana na Shirika la Kimataifa la Kuhudumia Watoto (UNICEF) na Wizara ya Elimu, chini ya mpango wa Airtel SmartWASOMI, unaolenga kuboresha elimu ya kidigitali kwa kuwawezesha walimu na wanafunzi kupata maudhui ya kielimu kupitia maktaba mtandao ya Taasisi ya Elimu Tanzania na Shule Direct bila gharama ya vifurushi vya data.

Read More