TANZANIA COMMERCIAL BANK YAZINDUA KADI YA MALIPO YA KIMATAIFA YA POPOTE VISA

 

 

 

Makamu wa Rais wa VISA card Africa Mashariki Corine Nana (kulia), na Afisa Mtendaji Mkuu wa Tanzania Commercial Bank Sabasaba Moshingi wakiminya kitufe kuashiria uzinduzi rasmi wa Popote Visa Card iliyozinduliwa na Tanzania Commercial Benki kwaajili ya kuwarahisishia wateja wa Benki hiyo kupata huduma yoyote na wakiwa sehemu yoyote ndani na nje ya nchi hafla ya uzinduzi huo umefanyika leo jijini Dar es Salaam




Makamu wa Rais wa VISA card Africa Mashariki Corine Nana (katikati) pamoja na Afisa Mtendaji Mkuu wa Tanzania Commercial Sabasaba Moshingi (wapili kushoto) wakionesha mfano wa POPOTE VISA CARD wakati wa uzinduzi rasmi wa kadi hiyo iliyozinduliwa na Tanzania Commercial Bank wengine pichani ni pamoja na Mkurugenzi wa Teknohama wa Tanzania Commercial Bank Jema Mssuya, Mkurugenzi Mtendaji wa UBX Tanzania LTD, Seronga pamoja na Meneja Mwandamizi wa Intanet Banking wa TCB Allen Manzi hafla hiyo imefanyika leo jijini Dar es Salaam.



Afisa Mtendaji Mkuu wa Tanzania Commercial Bank Sabasaba Moshingi, akizungumza wakati wa uzinduzi rasmi wa Popote Visa Card iliyozinduliwa na Tanzania Commercial Benki kwaajili ya kuwarahisishia wateja wa Benki hiyo kupata huduma yoyote na wakiwa sehemu yoyote ndani na nje ya nchi hafla ya uzinduzi huo umefanyika leo jijini Dar es Salaam



Makam wa Rais wa VISA card Africa Mashariki Corine Nana (kulia), akikabidhi kadi ya POPOTE VISA CARD kwa mmoja ya wateja waliohudhulia uzinduzi rasmi wa Popote Visa Card iliyozinduliwa na Tanzania Commercial Benki kwaajili ya kuwarahisishia wateja wa Benki hiyo kupata huduma yoyote na wakiwa sehemu yoyote ndani na nje ya nchi hafla ya uzinduzi huo umefanyika leo jijini Dar es Salaam (katikati) ni Afisa Mtendaji Mkuu wa Tanzania Commercial Bank Sabasaba Moshingi.



Mteja wa Tanzania Commercial Bank akionesha kadi ya POPOTE VISA CARD iliyozinduliwa leo na Benki hiyo bara baada ya kukabidhiwa.

picha ya Pamoja

Benki ya Biashara Tanzania (TCB) jana imezindua kadi ya malipo ya kidijitali ambayo itaisaidia Serikali ya Awamu ya Sita kufanikisha mpango mkakati wake wa kuifanya Tanzania kuwa uchumi usiotegemea sana fedha taslimu.

Huduma hiyo ya malipo ya kimataifa inayojulikana kama Kadi ya Popote Visa ni matokea ya ushirikiano kati ya TCB na Visa International ya Marekani inayoongoza duniani katika teknolojia bunifu za malipo ya kidijitali.

Akizungumza wakati wa uzinduzi wake jijini Dar es Salaam, Afisa Mtendaji Mkuu wa benki hiyo, Bw Sabasaba Moshingi alisema Popote Visa Card ina uwezo wa hali ya juu kusaidia kutimiza ndoto za taasisi hiyo ya kuendeleza huduma jumuisha za kifedha nchini.

TCB na mshirika wake wameazimia kuunga mkono juhudi za kitaifa za kujenda uchumi wenye matumizi madogo ya fedha taslimu kwa kuwekeza katika suluhisho bunifu za malipo ya kidijitali ambazo ni rahisi zaidi, salama na zinazozingatia ufanisi wa usimamizi wa fedha.

“Huduma kama kadi ya malipo ya kimataifa tuliyozindua leo na ushirikiano wetu na kampuni ya Visa ni muhimu sana katika juhudi za serikali kujenga uchumi wa kidijitali na kuifanya Tanzania kuwa taifa lisilotegemea sana malipo yanayofanywa kwa fedha taslimu,” Bw Moshingi alibainisha.

Aliwaambia waandishi wa habari kuwa uamuzi wa TCB kushirikiana na Visa unatokana na kampuni hiyo kuwa kigogo wa teknolojia za malipo duniani ikiwa na mtandao wa wafanyabiashara milioni 61 wa kimataifa.

Wakizungumza wakati wa uzindunzi huo, maafisa waandamizi wa Visa Afrika Mashariki, walisema dhamira ya kampuzi hiyo si tu kuongeza matumizi ya kadi za kidijitali nchini peke yake bali duniani kote kuwahudumia wananchi, wafanyabiashara na serikali mbalimbali.

Makamu wa Rais wa Visa na Mkurugenzi Mtendaji wake wa Afrika Mashariki, Bi Corine Mbiaketcha Nana, alisema Tanzania ina kila kitu kinachohitajika kuwa uchumi wa kisasa zaidi wa kidijitali.

“Kama suluhisho zote bunifu za malipo ya kidijitali, matumizi ya Popote Visa Card yana manufaa mengi na faida kubwa kwa watu binafsi, mashirika na serikali,” Bi Nana alifafanua na kusisitiza kuwa mchango wake mkubwa hasa kwa wananchi wa kawaida ni maendeleo ya huduma jumuishi za kifedha.

Uzinduzi wa UCB Popote Visa Card umefanyika wiki mbili bada ya serikali kutangaza mipango na uwekezaji wake kwenye ujenzi wa uchumi usiotegemea sana fedha taslimu kupitia Mpango wa Tanzania ya Kidijitali.

Kwa mujibu wa Waziri wa TEHAMA, Bw Nape Mnauye, hivi karibuni Tanzania ilipata mkpo nafuu kutoka Benki ya Dunia kwa ajili ya utekelezaji wa azma hiyo wenye thamani ya dola za kimarekani milioni 150.

Wakizumgumza kwa nyakati tofauti twakati wa uzunduzi wa bidhaa hiyo mpya sokoni wateja na wandau mbalimbali wa TCB walisema kuzinduliwa kwa kadi hiyo mpya kutasaidai michakato mbalimbali ya kuharakisha maendfeleo ya kidijitali nchini.

“Ushirikiano wa kimkakati kati ya TCB na Visa si tu unazinufaisha taasisi hizo mbili peke yake, bali pia utasaidia kupanua wigo wa malipo ya kidijitali nchini na kuongeza faida za kibiashara katika nyororo wa thamani wa malipo kitaifa,” Meneja Mkuu wa dt card Tanzania, Bw Christiaan Wielengs, alibainisha.

Read More

JUKWAA LA "Getpaid" KUTOA FURSA KWA VIJANA TANZANIA

 

Mkuu wa Kitengo cha Biashara-GetPaid, Bw. Justine Mahinyila, akifafanua jambo kwa waandishi wa habari, wakati wa uzinduzi rasmi wa Jukwaa la GetPaid, jijini Dar es Salaam jana. Picha na Mpiga Picha Wetu

Washiriki wakifuatia  mijadala jinsi ya kutumia la Jukwaa la GetPaid, wakati wa uzinduzi rasmi wa Jukwaa hili jijini Dar es Salaam jana. (Mpiga Picha Wetu)

Jukwaa la “GeitPaid” kutoa fursa kwa watanzania

 

Na Mwandishi Wetu

 
Jukwaa la Kijidital, “GetPaid” lenye lengo la kutoa fursa za Ajira na nyinginezo limezinduliwa jana jijini Dar es Salaam, ikiwa ni sehemu ya mchango wa sekta binafsi kusaidia mikakati ya serikali inayolenga kupanua wigo wa fursa kwa vijana na watanzania kwa ujumla.

 
Mbali na mambo megine Jukwaa la GetPaid,  litasaidia Tanzania kupunguza wimbi kubwa la ukosefu wa ajira—kwa vijana na watanzania wote (wasomi na wasio soma,  amesema Bw. Richard Lema, Mkurugenzi Mtendaji wa Kampuni ya Tanzania DLT CP iliyobuni  na kutengeneza Mtandao wa GetPaid—wakati wa uzinduzi rasmi wa Jukwaa hilo jijini Dar es Salaam jana.

 
Kwa mujibu wa Mkurugenzi Lema, GetPaid ni jukwaa la kimkakati la kidijitali ambalo lengo lake kuu ni kuwaunganisha watanzania, ikiwa nia pamoja na vijana,  wafanyabiashara, wasomi, wasio soma, wajasiriamali, wanaofanyakazi binafsi na fursa mbalimbali duniani.

 
"Kwa kweli, hili ni jukwaa la kidijitali la pekee, ambalo linawaunganisha watu—wasaka fursa na watoa fursa, " ameongeza Bw. Lema

 
Alielezea GetPaid kama ni teknolojia ya kisasa, ambayo itawaunganisha watu na fursa mbalimbali kitaifa, kikanda na kidunia.   

 
Kwa njia ya jukwaa la GetPaid, watu wa aina mbalimbali – wazalishaji,  wafanyabiashara, wanaofanya kazi binafsi, watu wazima, vijana, wenye weledi na wasio na weledi - watawezeshwa kunufaika na fursa mbalimbali zilizopo Afrika na nje ya Afrika.

 
"Jukwaa la GetPaid linawafanya waweze kunufaika na fursa mbalimbali duniani, elimu ya kidijitali na uvumbuzi. Hili linafanyika kupitia kikundi cha jumuiya, utumiaji rahisi na elimu," alisema Bw. Lema na kuongeza kwamba "bidhaa ya GetPaid ina vitu vitatu na inawapa watumiaji (waanzilishi, wafanyabiashara na wafanyakazi binafsi vifaa na elimu wanayohitaji kuishi, kufanyakazi na kupata ujira."

 
Akizungumza wakati wa uzinduzi, mtaalamu wa Kitengo cha Teknolojia ya Habari (ICT) Baraka Mafore alisema ingawa kuna ukuaji wa kasi wa uchumi wa kidijitali, bado kuna pengo kubwa linalotakiwa lijazwe, kwa vile mamilioni ya vijana katika nchi nyingi za Afrika hawana ajira.

 
Takwimu za hivi karibuni zinaonyesha kwamba pamoja na kwamba vijana wanaomaliza chuo na kuingia kwenye soko la kazi Tanzania wanaanzia 800,000 hadi 1,000,000 kila mwaka (NBS-2015), kwa wastani uchumi unatengeneza ajira zipatazo 250,000 tu kwa mwaka na asilimia 75 ya hawa vijana wanabaki bila ajira.

 
"Hata hivyo, kutumia njia na vifaa sahihi, kama jukwaa la GetPid, nchi za Afrika zinaweza kushuhudia idadi kubwa ya vijana wakijiunga na kuingia kwenye uchumi wa kidijitali," alisema mhitimu mmoja kutoka Chuo Kikuu Cha Dar es Salaam (UDSM) Asha Mkwezu wakati wa uzinduzi wa GetPaid APP.

 
DLT CP-Tanzania ni kampuni iliyosajiliwa na inamilikiwa kwa asilimia 100 na Watanzania wenye vipaji ambao wameingia kwenye "huu uchumi wa kidijitali."

Read More

KONNECT TANZANIA YAZINDUA MTANDAO WA SATELAITI NCHINI

 Wadau mbalimbali na wageni waalikwa wakifuatilia uzinduzi rasmi wa mtandao wenye kasi zaidi nchini Konnect utakaowawezesha watanzania kupata huduma ya intaneti yenye kasi kubwa zaidi kwa sababu mtandao wa Konnect ni mtandao wa kwanza nchini wenye kasi kuliko mitandao mengine.Meneja Mkuu wa Konnect Tanzania Bw. Philippe Baudrier akizungumza na wadau mbalimbali pamoja na maofisa kutoka Konnect wakati wa ghafla maalumu ya uzinduzi rasmi wa mtandao mpya wa satelaiti nchini utakaowawezesha watanzania kupata huduma ya intaneti yenye kasi kubwa zaidi kwa sababu mtandao wa Konnect ni mtandao wa kwanza nchini wenye kasi kuliko mitandao mengine.


Mshereheshaji wa shughuli ya uzinduzi rasmi wa mtandao wa Konnect Bernice Fernandez akizungumza na wadau mbalkimbali pamoja na maofisa wa Mtandao wenye kasi zaidi Konnect wakati wa shughuli ya uzinduzi wa Mtandao huo utakaowawezesha watanzania kupata huduma ya intaneti yenye kasi kubwa zaidi kwa sababu mtandao wa Konnect ni mtandao wa kwanza nchini wenye kasi kuliko mitandao mengine.


Baadhi ya wageni waalikwa na wana habari wakiwa katika majukumu yao kusikiliza na kufatilia uzinduzi rasmi wa mtandao wenye kasi zaidi konnect utakaowawezesha watanzania kupata huduma ya intaneti yenye kasi kubwa zaidi kwa sababu mtandao wa Konnect ni mtandao wa kwanza nchini wenye kasi kuliko mitandao mengine.





Konnect Tanzania yajenga daraja la usawa wa kidigitali Tanzania

Dar Es Salaam, Tanzania, Machi 16, 2022 – Konnect Tanzania, iliyosajiliwa kama: “Konnect
Broadband Tanzania Limited” ni kampuni tanzu ya Eutelsat iliyojitolea kutoa huduma za kasi
zaidi za satelaiti. Kampuni imetangaza kuzindua ofa mpya ya mtandao wa satelaiti nchini
Tanzania yenye kasi ya hadi 100Mbps. Pamoja na leseni zote na kibali cha kiserikali, Konnect
Tanzania ina vibali vyote vinavyohitajika ili kuweza kutoa huduma za kimtandao wa bei nafuu
nchini.


Kulingana na Utafiti wa Uchumi wa Simu wa GSMA wa 2021, chini ya 28% ya watu katika Afrika
Kusini mwa Jangwa la Sahara wanaweza kupata mtandao wa simu. Hii inashiria kuwa kuna
sehemu nyingine ulimwenguni ufikiaji wake ni wachini kama vile Europe na zaidi ya 80% ya
watu wameunganishwa. Uchumi wa intaneti barani Afrika una uwezo wa kufikia dola bilioni 180
ifikapo 2025, ambayo ingewakilisha 5.2% ya Pato la Taifa la bara kupitia kupanua matumizi ya
kidijitali, ukuaji wa miji na kupenya kwa simu mahiri.


Utoaji wa huduma za uhakika na haraka kote Tanzania ni muhimu kwa kuzingatia upenyezaji
mdogo wa intaneti nchini, iliyo chini ya 20%. Huku muunganisho ukiwa juu zaidi, huduma za
mtandao wa Konnect Tanzania, zilizoundwa na kupangwa kwa mahitaji ya ndani, sasa
zinapatikana kwa watumiaji wa aina zote nchini kote, kuanzia majumbani na biashara hadi
mamlaka za umma.


Meneja Mkuu wa Konnect Bw. Philippe Baudrier alieleza kuwa: “Huduma za mtandao wa
Konnect zimeundwa kukidhi mahitaji ya makazi na SMBs (wafanyabiashara wadogo na wa kati)
lakini pia zinaweza kusaidia katika maendeleo ya sekta mbalimbali za kiuchumi kama vile kilimo,
utalii, madini, elimu na afya.

Mtandao wa satelaiti ya kasi ya juu na uboreshaji wa sekta ya kilimo Tanzania
Mtandao wa kasi wa juu ni ufunguo wa kuboresha shughuli za kilimo ambazo zinawakilisha
26,74% ya pato la taifa la Tanzania. Kuongeza tija katika sekta ya kilimo sio tu kukuza Pato la
Taifa,bali kutaongeza maendeleo ya taifa.


Mkurugenzi Mtendaji wa Mtandao wa Kitaifa wa Kikundi cha Wakulima nchini Tanzania Bw
Stephen A. Ruvuga alisema kuwa: “Mashamba mengi ya kilimo nchini Tanzania yapo katika
maeneo yaliyotengwa na hakuna mtandao wa intaneti. Kuunganisha mashamba haya kwa
mtandao wa satelaiti kutawawezesha wakulima kukusanya data muhimu kama vile unyevu wa
udongo na viwango vya mabwawa, pamoja na ufuatiliaji wa hali ya hewa, kuboresha ufanisi
kwa kasi.


Kusaidia Sekta ya Utalii ya Tanzania katika ufufuaji wake baada ya Janga
Uwepo wa mtandao wa Kasi katika nyumba za kulala wageni utaongeza usalama na mvuto
katika sehemu za kitalii Tanzania, ambao umepungua kwa kiasi kikubwa kutokana na janga la
kimataifa na mchango katika Pato la Taifa kushuka kutoka 10.7% mwaka 2019 hadi 5.3% mwaka
2020. .


Bw. Kennedy Edward, Mkurugenzi Mtendaji wa Chama cha Hoteli za HAT Tanzania aliangazia:
“Wajasiriamali wa utalii wa Tanzania wanahitaji mtandao wa uhakika ili kutoa huduma bora,
kukuza ujuzi, na kufungua masoko mapya. Kwa vile tovuti nyingi nzuri zaidi za Tanzania ziko
katika maeneo ya mbali, Broadband ya satelaiti ya Konnect inaweza kusaidia sekta ya utalii kwa
kutoa muunganisho wa intaneti kwa wageni na wafanyakazi katika nyumba za kulala wageni,
zisizoweza kufikiwa na mitandao ya kitamaduni.”


Kuongeza usalama na tija katika sekta nzima ya madini
Janga la Covid-19 limeharakisha kwa kiasi kikubwa sekta ya madini kufahamu faida za mtandao
wa kasi wa juu. Idadi kubwa ya tovuti za uchimbaji madini za Tanzania ziko katika maeneo
yaliyotengwa bila muunganisho wa Wi-Fi au 4G.


Bw. Peter Kabepela, Naibu Mkurugenzi wa chama ya wachimbaji madini Tanzania: “Kuunganisha
migodi ya mbali ya Tanzania kwenye mtandao wa satelaiti kutaongeza tija na kuchangia katika
kulinda eneo lao. Pia itaboresha hali ya maisha ya mafundi wanaofanya kazi kwenye maeneo ya
uchimbaji madini yaliyo mbali na makazi yao.” Shukrani kwa muunganisho wake wa kasi wa
satelaiti, mtandao wa satelaiti wa Konnect ni nyenzo dhabiti katika kusaidia ukuaji wa mchango
wa Pato la Taifa wa sekta ya madini kutoka 3,5% hadi 10% ifikapo 2025.


Kujibu hitaji muhimu la mtandao wa bei nafuu wa kutegemewa wa kasi ya juu kote Tanzania
kutatoa manufaa mengi ya kijamii na kiuchumi. Kuongeza usawa wa kidijitali nchini Tanzania
kwa hakika kutakuwa na manufaa kwa maendeleo ya kiuchumi na kibinadamu na riziki; kusaidia
kuifanya nchi kuvutia na kustahimili.

Hatua rahisi za kusakinisha mtandao mpana wa satelaiti wa kasi zaidi wa Konnect
Kufikia mtandao mpana wa satilaiti ya kasi ya juu sana wa Konnect kunahitaji hatua kadhaa
rahisi. Wateja wanaweza kutembelea tovuti ya Konnect (www.konnect.com), kuzungumza moja
kwa moja na huduma kwa wateja kwa kupiga nambari +255 768 132 829 kuanzia saa 3.00
asubuhi mpaka saa 12.00 jioni au kwenda kwenye duka la washirika lenye leseni ili kukutana
moja kwa moja na mshiriki wa timu ya Konnect. Wafanyakazi waliojitolea watasaidia wateja
kuchagua kifurushi sahihi na kupanga usakinishaji wa haraka. Kwa maelezo zaidi kuhusu jinsi ya
kujisajili kama mshirika tafadhali tembelea Konnect.com

About Konnect
Konnect is the Eutelsat Group entity in charge of retail marketing for a new generation of superfast
satellite broadband services. As its implementation accelerates, Konnect is redefining the connectivity
expectations of people who live and/or work outside the geographical boundaries of fibre, enabling
them to access an immediately available service with ultra-fast, unlimited and competitive offers of up
to 100Mbps. To find out more about Konnect's offers, visit www.konnect.com.

Contact

Name: Obafemi AGBANRIN
Tel: +255 767 256 405
Email: oagbanrin@eutelsat.com

Read More

WANAWAKE KANISA LA KKKT KWENYE MATEMBEZI YA SHUKURANI

 

Mchungaji Kiongozi wa Kanisa la Kiinjili la Kilutheri Tanzania (KKKT) Usharika wa Boko, Ambakisye Lusekelo (wa pili kulia) akiongoza matembezi ya Shukrani ya kilometa 5 yaliyoanzia Kanisa la KKKT - Boko na kuishia katika ufukwe wa Ndege Beach Mbweni jijini Dar es Salaam leo Machi 12, 2022. Matembezi hayo yakiwa ni sehemu ya Maadhimisho ya Siku ya Wanawake Dunia ambapo Umoja wa Wanawake wa Usharika huo wametumia fursa hiyo kuhamasishana katika kuwachangia watoto waliolazwa katika hospitali ya Taifa Muhimbili (MNH) ambao wakisumbuliwa na ugonjwa wa saratani.

Mwenyekiti wa Wanaumoja wa Wanawake wa Kanisa la Kiinjili la Kilutheri Tanzania (KKKT), Sylvia Lupembe, akizungumza wakati wa matembezi ya shukrani 2022 yaliyowashirikisha wanawaka wa kanisa hilo.

Read More

MONGELLA AIPA TANO TANZANIA COMMERCIAL BANK

 

 

Mkuu wa Mkoa wa Arusha Mhe. John Mongella (katikati), akikata utepe  kuashiria uzinduzi rasmi wa Tawi jipya la Usariver lililofunguliwa leo wilaya ya Arumeru,Mkoani Arusha kushoto ni  Afisa Mtendaji Mkuu wa Tanzania Commercial Bank Sabasaba Moshingi, pamoja na  Meneja wa Tawi la Tanzania Commercial Bank  Usa river, Speratus Kamala.

Afisa Mtendaji Mkuu wa Tanzania Commercial Bank (TCB) Sabasaba Moshingi, akizungumza wakati wa hafla ya uzinduzi rasmi wa Tawi jipya la benki hiyo jipya la Usariver lililofunguliwa leo wilaya ya Arumeru,Mkoani Arusha 

 

Mkuu wa Mkoa wa Arusha Mhe. John Mongella (kushoto), akimsikiliza Afisa Mtendaji Mkuu wa Tanzania Commercial Bank Sabasaba Moshingi,wakati wa hafla ya uzinduzi rasmi wa Tawi jipya la Usariver lililofunguliwa leo wilaya ya Arumeru,Mkoani Arusha kulia ni Meneja wa Tawi hilo Speratus Kamala. 

 

Mkuu wa Mkoa wa Arusha Mhe. John Mongella (kushoto), akiteta jambo na Afisa Mtendaji Mkuu wa Tanzania Commercial Bank Sabasaba Moshingi,wakati wa hafla ya uzinduzi rasmi wa Tawi jipya la Usariver lililofunguliwa leo wilaya ya Arumeru,Mkoani Arusha

 

 

 

Mkuu wa Mkoa wa Arusha Mhe. John Mongella (kushoto), pamoja na Afisa Mtendaji Mkuu wa Tanzania Commercial Bank Sabasaba Moshingi wakifungua pazia kwenye jiwe la msingi  kuashiria uzinduzi rasmi wa Tawi jipya la Usariver lililofunguliwa leo wilaya ya Arumeru,Mkoani Arusha.

 

 

 
Tanzania Commercial Bank (TCB) yazidi kuchanja mbuga kutanua huduma zake imeendelea kuongeza jitihada kuwafikia Watanzania nchi nzima
Tanzania Commercial Bank imeendelea na juhudi zake za kuendelea kutanua huduma zake kwa kufungua matawi katika mikoa mbalimbali hapa nchini ili kuhakikisha kila mtanzania anaitumia Tanzania Commercial Bank.

Benki hiyo imetimiza haja yake hiyo kupitia huduma zake mbalimbali katika kuigusa jamii kwa kufungua tawi jipya katika mkoa wa Arusha wilaya ya Arumeru USA river katika hafla fupi iliyohudhuriwa na wadau mbalimbali.

Tawi la USA River lilianzishwa mwaka 2007 kwenye ofisi za posta, Usariver ikiwa ni benki ya kwanza kufika na kutoa huduma za kifedha katika wilaya ya Arumeru Katika mkoa wa Arusha, Benki ya Biashara Tanzania ina matawi sita (6) Arusha Meru,Usariver, Rombo, Mto mbu,Sokoine na Tanzanite.

 

Tawi la Usariver lina jumla ya mawakala 60 ambao wamesambaa katika wilaya ya Arumeru pamoja na kusogeza huduma za kibenki kwa wananchi, Tanzania Commercial Bank pia inategemewa kufungua na kuendeleza fursa mbalimbali za kibiashara kwa lengo la kuinua uchumi katika mkoa huo

Akiongea katika hafla ya uzinduzi wa Tawi hilo Afisa Mtendaji Mkuu wa Tanzania Commercial Bank, Sabasaba Moshingi, alisema wateja wa benki hiyo wapo katika mikono salama na kuwaomba wananchi waitumie benki hiyo kwani imekuwa ikifanya mambo mengi yanayolenga jamii.

“Benki imepata mafanikio makubwa, kwa sasa Tawi la Usariver lina jumla ya wateja 5,916 wanaofurahia huduma mbalimbali za kibenki hususani mikopo yenye riba nafuu kama ya kilimo, biashara, watumishi na wastaafu pamoja na kufanya miamala mbalimbali ya kifedha ndani na nje ya nchi.

Lakini vilevile, Tanzania Commercial Bank ni wabunifu kwenye upande wa kidigitali tumeanzisha huduma ya kuweka akiba kwenye vikundi ambayo tumeshirikiana naVodacom na tumeshakusanya zaidi ya Tshs bilioni 27 lakini pia sisi ni wamiliki wa huduma ya Songesha ni huduma inayomuwezesha mteja kukamilisha miamala pale anapokua hanasalio. 

Lakini kikubwa zaidi, Benki yetu imefanikiwa kutoa kadi za Visa, hivyo basi wananchi wa Arusha na Tanzania kwa ujumla karibuni sana mjipatie Visa ATM card kwa kufanikisha miamala yeyote popote mlipo Kwa kipindi cha mwaka 2020 mpaka February 2021 tawi limeweza kutoa mikopo ya kiasi cha Tshs 5.78 Billioni  kwa wadau mbalimbali.

 Kuna jumla ya mawakala 60 wanaotoa huduma za kibenki katika maeneo mbalimbali ya Mkoa wa Arusha. Kukua kwa biashara kumefanikisha benki kuhama kutoka katika ofisi ndogo za TPC na kuhamia katika jengo Jipya tunalolizinduliwa leo lenye nafasi kubwa na kuwezesha kutoa huduma kwa ubora na umahiri zaidi.

 Kwa sasa tawi lina wafanyakazi 12 waliobobea katika mambo ya fedha na benki wakitoa huduma bora na kwa weledi wa hali juu.

“Benki yetu imekuwa mstari wa mbele katika kusaidia maendeleo ya huduma za jamii; Tumefanikiwa kutoa misaada mbalimbali ikiwa ni pamoja na kusaidia ujenzi wa bweni la Shule ya sekondari ya wasichana Nduruma.”
Ni matarajio yetu kuwa biashara itaendelea kukua na kutuwezesha kufungua matawi katika kila wilaya ili kuwezesha bidhaa na huduma zetu kuwafikia watanzania wote kwa ukaribu zaidi .”

Benki imechangamkia fursa ya kukua katika wilaya ya USA river, huku pia ikipanua uwepo wetu nchini.
Tawi linapatikana kwa urahisi, huduma zote za kibenki zipo, pamoja na timu ya wataalam wenye ujuzi. Tunatazamia kukutana na wakazi wa USA river, wafanya biashara na fursa zinazoifanya Benki ya Biashara ya Tanzania kuwa mahali pazuri pa kufanya kazi.

Tanzania Commercial Bank pia inatoa huduma za Kibenki Mtandaoni kama vile Internet Banking, Mobile App & Mobile Banking. Lakini Benki pia iko karibu na wateja wake kupitia vituo vyetu vya Huduma kwa Wateja.

Mkuu wa Mkoa Arusha, alitoa shukrani kwa Benki kuweza kuwafikia wananchi wa Usariver na alitoa wito kwa wananchi ili kuweza kuchangamkia fursa hususani makundi ya kina mama kwasababu Tanzania Commercial Bank, ina akaunti maalum kwa ajili ya wanawake.

Aliongeza kwa kuishukuru Tanzania Commercial Bank kwa kuendelea kuwekeza katika mkoa huo na kuwataka waendelee kuwekeza katika wilaya zote za mkoa huo.

Mongella amewasisitiza wananchi wa Arusha wajitokezea kwa wingi kuchangamkia fursa zinazotolewa na Tanzania Commercial Bank kwani imekuwa benki ya kwanza kuwajali na kuwasogezea huduma wananchi wa mkoa huo.


Kuhusu Tanzania Commercial Bank

Tanzania Commercial Bank Plc ni taasisi ya fedha iliyoundwa kisheria kutoka iliyokuwa
Benki ya Posta Tanzania (Tanzania Post Bank). Mtandao wa Tawi la Tanzania Commercial
Bank una jumla ya matawi 82 Tanzania nzima ikijumuisha bara na visiwani yenye makao
yake makuu jijini Dar es Salaam. TCB inatoa bidhaa na huduma ili kukidhi mahitaji ya
benki ya kibinafsi na ya biashara ya wateja. Tembelea tovuti yetu kujifunza zaidi
www.tcbbank.co.tz

Read More

TANZANIA COMMERCIAL BANK YATIA NANGA ZANZIABAR YAMFURAHISHA RAIS DK MWINYI

Mke wa Rais wa Zanzibar Mama Mariam Mwinyi ambae pia ni Mwenyekiti wa Taasisi ya Zanzibar Maisha Bora Foundation (ZMBF) na (wa pili kushoto), akipokea hundi ya shilingi milioni kumi kutoka kwa Afisa Mtendaji Mkuu wa Tanzania Commercial Bank (TCB) Sabasaba Moshingi, kwaajili ya kutunisha mfuko wa Tasisi ya Zanzibar Maisha Bora Foundation (ZMBF), wakati wa hafla ya ufunguzi wa Kongamano la Wanawake Zanzibar lililoandaliwa na Tanzania Commercial Bank na kufunguliwa rasmi na Rais wa Zanzibar na Mwenyekiti wa Baraza la Mapinduzi Mhe.Dk.Hussein Ali Mwinyi (kulia kwa Mama) na (kushoto kwa Mama) ni Mwenyekiti wa Bodi ya Wakurugenzi wa TCB Bw. Edmund Mndolwa.Rais wa Zanzibar na Mwenyekiti wa Baraza la Mapinduzi Mhe.Dk.Hussein Ali Mwinyi (kushoto), akisalimiana na Katibu wa Baraza la Mapinduzi na Katibu Mkuu Kiongozi Mhandisi Zena Ahmed Said, Mwenyekiti wa bodi ya Wakurugenzi wa Benki ya Tanzania Commercial Bank TCB. Edmund Mndolwa na Afisa Mtendaji Mkuu wa TCB. Sabasaba Moshingi na Mkuu wa Wilaya ya Mjini Bw.Rashid Simai Msaraka,alipowasili katika viwanja vya Hoteli ya Golden Tulip Kiembesamaki kwa ajili ya ufunguzi wa Kongamano la Wanawake lililoandaliwa na Benki ya hiyo katika ukumbi wa hoteli hiyo

Rais wa Zanzibar na Mwenyekiti wa Baraza la Mapinduzi Mhe.Dk.Hussein Ali Mwinyi, pamoja na uongozi kutoka Tanzania Commercial Bank akitembelea maonesho ya Wajasiriamali Wanawake wakati wa Ufunguzi wa Kongamano la Wanawake Zanzibar lililoandaliwa na Tanzania Commercial Bank (TCB), katika ukumbi wa Hoteli ya Golden Tulip Kiembesamaki Jijini Zanzibar leo (kushoto kwa Rais) Mke wa Rais wa Zanzibar Mama Mariam Mwinyi, Katibu wa Baraza la Mapinduzi na Katibu Mkuu Kiongozi Mhandisi Zena Ahmed Said na Waziri wa Afya na Ustawi wa Jamii Wazee Jinsia na Watoto Zanzibar Mhe. Nassor Ahmed Mazrui na (kulia kwa Rais ) Mwenyekiti wa Bodi ya Wakurugenzi wa Benki ya TCB.Bw.Edmund Mndolwa, wakimsikiliza Mjasiriamali Bi. Tatu Suleiman.


Mwenyekiti wa Bodi ya Wakurugenzi wa Benki ya Tanzania Commercial Bank (TCB ), Edmund Mndolwa akizungumza wakati wa ufunguzi wa Kongamano la Wanawake Wajasiriamali Zanzibar lililoandaliwa na Benki hiyo katika ukumbi wa Hoteli ya Golden Tulip Kiembesamaki Jijini Zanzibar.



Afisa Mtendaji Mkuu wa Tanzania Commercial Bank, (TCB), Sabasaba Moshingi akizungumza wakati wa ufunguzi wa Kongamano la Wanawake Wajasiriamali Zanzibar lililoandaliwa na Benki hiyo katika ukumbi wa Hoteli ya Golden Tulip Kiembesamaki Jijini ZanzibarRais wa Zanzibar na Mwenyekiti wa Baraza la Mapinduzi Mhe.Dk.Hussein Ali Mwinyi, akizungumza wakati wa ufunguzi wa Kongamano la Wanawake Wajasiriamali Zanzibar lililoandaliwa na Tanzania Commercial Bank katika ukumbi wa Hoteli ya Golden Tulip Kiembesamaki Jijini Zanzibar



Rais wa Zanzibar na Mwenyekiti wa Baraza la Mapinduzi Mhe.Dk.Hussein Ali Mwinyi pamoja na Mwenyekiti wa Bodi ya Wakurugenzi wa Benki ya Tanzania Commercial Bank (TCB ), Edmund Mndolwa wakifungua mlango kuashiria uzinduzi rasmi wa Kongamano la Wanawake Zanzibar lililoandaliwa na Tanzania Commercial Bank (TCB) wanaoshuhudia ni Mke wa Rais wa Zanzibar ambae pia ni Mwenyekiti wa Taasisi ya Zanzibar Maisha Bora Foundation (ZMBF), Mama Mariam Mwinyi, Afisa Mtendaji Mkuu wa Tanzania Commercial Bank, (TCB), Sabasaba Moshingi pamoja na uongozi kutoka Serikali ya Zanzibar na Maofisa kutoka Tanzania Commercial Bank





Rais wa Zanzibar na Mwenyekiti wa Baraza la Mapinduzi Mhe.Dk.Hussein Ali Mwinyi akikabidhiwa zawadi maalum ya picha ya kuchora na Mwenyekiti wa Bodi ya Wakurugenzi wa Benki ya Biashara Tanzania (TCB) Bw. Edmund Mndolwa, baada ya ufunguzi wa Kongamano la Wanawake Zanzibar katika ukumbi wa Hoteli ya Golden Tulip Kiembesamaki Jijini Zanzibar leo 5-3-2022, na (kulia kwa Rais) Waziri wa Afrya na Ustawi wa Jamii Wazee Jinsia na Watoto Zanzibar Mhe Nassor Ahmed Mazrui . Mkurugenzi Mtendaji wa (TCB) Bw. Sabasaba Moshingi na Katibu wa Baraza la Mapinduzi Mhandisi Zena Ahmed Said.

Read More

NGAIZA FOUNDATION KUSHIRIKIANA NA DC ALBERT MSANDO KUTATUA MIGOGORO YA WANANCHI WILAYA YA MOROGORO

Wasema lengo ni kuhakikisha ifikapo 2025 suala la Migogoro Wilaya ya Morogoro linabaki historia. Ofisi ya Mkuu wa Wilaya ya Morogoro Chini ya Mkuu wa Wilaya hiyo Mhe. ALBERT MSANDO kwa kushirikiana na Taasisi ya NGAIZA FOUNDATION wanataraji kuendesha zoezi la utatuzi na usuluhishi wa Migogoro mbalimbali Wilayani humo ili kuiwezesha Serikali kupunguza changamoto hiyo.

 

Mkurugenzi wa Taasisi hiyo Bi. ELIZABETH NGAIZA amesema zoezi hilo litakuwa endelevu na miongoni mwa Mambo yatakayoshughulikiwa ni pamoja na Migogoro ya Ardhi, Mirathi, usuluhishi wa Migogoro ya ndoa pamoja na suala la matunzo ya mtoto. Aidha NGAIZA amesema Taasisi hiyo itatoa huduma hiyo bila malipo Chini ya Wataalamu wa masuala ya kisheria na utatuzi waliojitoa kuhakikisha kila Mwananchi atakaewasilisha kero na changamoto yake anasikilizwa na kupatiwa ufumbuzi Jambo lake.

 

 Hata hivyo Bi. NGAIZA amesema tayari Taasisi yake imefanya mazungumzo na Mkuu wa Wilaya ya Morogoro Mhe. ALBERT MSANDO ambae amepokea kwa mikono miwili Jambo hilo na ameahidi kushirikiana kuhakikisha kila kitu kinakwenda sawa. Pamoja na hayo amesema anaamini kupitia Usuluhishi itasaidia kupunguza mlundikano wa kesi zisizo na ulazima Mahakamani kwakuwa kipaombele Cha Taasisi hiyo ni upatanishi na pale inaposhindikana ndipo kesi zifikishwe ngazi ya Mahakama. Sanjari na hayo ametoa wito kwa Wananchi Wenye Migogoro kujitokeza kwa wingi kuwasilisha mashauri yao.

 

Read More

KAMPUNI YA TANGA CEMENT YATAJA FAIDA ZA KILI MARATHON

Meneja Mahusiano na Mawasiliano ya Nje wa Kampuni ya Tanga Cement (TCPLC), Bi. Mtanga Noor (kulia), kigawa maji kwa mmoja wawashiriki wa mbio za kilimanjaro marathon ambapo kampuni hiyo imetumia zaidi ya shilingi milioni 36 kudhamini vituo vya maji na kupoozea wakimbiaji pamoja na baadhi ya wafanyakazi wake kushiriki mbio hizo.

Baadhi ya Maofisa wa Kampuni ya saruji Tanga Cement (TCPLC), wakishiriki mbio za km 21 wakati wa mbio za killimarathon ambapo Kampuni Hiyo imetumia zaidi ya shilingi milioni 36 kudhamini vituo vya maji na kupoozea wakimbiaji pamoja na baadhi ya wafanyakazi wake kushiriki mbio hizo. 

 Mhazini wa Kampuni ya saruji Tanga Cement (TCPLC), Frederick Emmanuel akigawa maji kwa mmoja wawashiriki wa mbio za kilimanjaro marathon ambapo kampuni hiyo imetumia zaidi ya shilingi milioni 36 kudhamini vituo vya maji na kupoozea wakimbiaji pamoja na baadhi ya wafanyakazi wake kushiriki mbio hizo. 

 Wadau mbalimbali wa michezo nchini kutoka katika sekta binafsi na ya umma wameshauriwa kuendelea kujiunga na mbio za nyika za Kilimarathon kila mwaka – Ambazo kwa sasa ni mbio maarufu kupita zote nchini, kwa kutoa udhamini na vilevile kwa kupeleka washiriki. 

 Wito huo umetolewa na Mkuu wa Biashara wa Kampuni ya Tanga Cement, Bw Peet Brits, wakati wa mahojiano maalum kuhusu Kilimarathon mbio ambayo imekuwa ikivutia washiriki kutoka ndani ya nchi na ng’ambo, ambapo alijadili mbio hizo na manufaa yake kwa mapana.

 “ Ningependa kushauri mashirika na makampuni mengine, ya Serikali na yasiyo ya kiserikali, kujiunga na mbio hizi. Ninaposema kujiunga nina maana ya kushiriki katika mbio hizo, kudhamini na vilevile kwa kuleta washiriki kwa manufaa ya kiafya na vilevile kwa ajili ya kukuza bishara zao,” Alisema Brits. 

 Akiongelea mvuto wa mandhari ya Moshi ambako mbio hizo hufanyika mara moja kila mwaka kuwa ni rafiki na yanashamirisha mbio hizo. Meneja huyo wa biashara wa Tanga cement alisema kuwa wale ambao hawajajiunga na mbio hizo, 'wanakosa mazuri mengi’ na kuwa ‘ wanajikosesha muda mzuri wa burudani tosha’ Brits aliongeza:

 “ Nafikiri inabidi watu waendelee kujiunga na mbio hizi mwakani kwa wale wasiokuja leo waje mwakani kwa wingi wajionee, hali inavyokuwa hasa unapokuwa katika vituo vya kuwapa wakimbiaji maji, vipozeo hisia unayoipata unapokuwa hapa uwanjani wakimbiaji wanapoanza na kumalizia mbio, uwanja wa hapa Moshi ukiwa umefurika watu Kama Hivi leo….kukutana na watu wengi kiasi hicho kutoka maeneo mbalimbali ya dunia, hawatajutia kushiriki, na pengine wakajutia kwa nini miaka yote hiyo wamekuwa wakijikosesha burudani kama hii” Meneja huyo alisifia mbio za Kilimarathon, ambazo mwaka huu zinaadhimisha mwaka wa 20 tangu kuanzaishwa kwake, na kuonyesha matumaini kuwa shamrashamra za mwaka huu wa 20 zitasaidia kunogesha mbio za mwakani , ambazo ni mara ya 19 kwa Tanga Cement Kushirikki. “ Kili Marathon limekuwa ni jukwaa bora ambapo inatuwezesha kuwasiliana ana kwa ana na wateja wetu na wadau wengine. Unapata fursa ya kusikia yale ambayo huwezi kuyasikia katika mikutano ya bodi, tumekutana na wateja kuanzia wadogo hadi wale wakubwa. Kwa hiyo haya maadhimisho ya miaka 20, nina amini, yataboresha zaidi raha ya Kili Marathon,”aliongeza. 

 Kwa upande wa biashara kwa wenyeji wa Moshi, Brits alisema kuwa Kili Marathon imekuwa ni mtambo madhubuti wa kuzalisha kipato kwa mji huo, na kuwa mbio hizo zimekuwa zikitunisha mikoba ya wenyeji kuanzia wenye mahoteli, huduma za malazi, watoaji wa huduma za chakula wadogo na wakubwa, wauzaji vinywaji baridi na vileo na wengineo.”

 Aliongeza Brits: “ Si hao tu, bali pia wapo wale wanaofanya biashara pembezoni mwa barabara wameuza matunda, mbogamboga kwa wasafiri wanaoingia na kutoka mjini Moshi.. Tusisahau vilevile wageni wanaokuja Tanzania kwa ajili ya mbio hizo. 

Hao wote mwisho wa siku wamechangia katika pato kuu la taifa kwa miaka 20 mfululizo. Alisema Tanga Cement ni kati ya wadhamini wakongwe kabisa wa Killimanjaro Marathon, na kuongeza kuwa kampuni hiyo imekuwa ikishirikikisha wafanyakazi wake, na kuwa mwaka huu imepeleka timu ya wakimbiaji 25, na zaidi ya 30 wamekuwa wakojitolea kugawa maji kwa wakimbiaji. 

Alisema Brits : “ Tunajivunia kuwa sehemu ya tukio maarufu kama hili la kimichezo nchini na tumefurahi kuwa ni sehemu ya historia ya Kilimarathon. Sisi tunajiona kuwa tunakua sambasamba na Kili Marathon. Wakati mbio hizi zinatimiza miaka 20, sisi tunatimiza miaka 42. Jopo letu la wakimbiaji ni sehemu ya wakimbiaji ambao wamekuwa wakishiriki kila wakati wa mashindano.

 Kwa ufupi, tumewaleta wakimbiaji kuja kushindana mbali ya kujiweka vizuri kiafya. Kuhusiana na kilichoivutia kampuni hiyo kubwa ya simenti kujiunga na mbio hizo nakutumia zaidi ya milioni 36 kwaajili ya kudhamini maji vipozeo kwaajili ya wakimbiaji , Brits alisema:” 

Tunapenda michezo, na hasa tunapenda mbio za Kilimarathon, kwa kuwa huu ndiyo mchezo pekee ambao unashirikisha wafanyakazi wetu wengi kwa mpigo, kutoka wakimbiaji hadi wasio wakimbiaji.

 Ninaposema wasio wakimbiaji nina maana ya wale waliojitolea leo hapa katika vituo vya kugawia maji na kazi za uwanjani. Kwa hiyo tunapoongelea Kilimarathon, tunaongelea Timu Simba kutoka Tanga Cement ikishiriki kwa ukamilifu.”

Read More