NBC yazindua huduma mikopo ya Wastaafu jijini Dodoma

Waziri wa Nchi Ofisi ya Waziri Mkuu, Sera, Bunge, Kazi, Ajira na Walemavu, Jenista Mhagama (wa pili kulia), Mkuu wa Wilaya ya Kongwa na Mwakilishi wa Mkuu wa Mkoa wa Dodoma, Deo Ndejembi (kulia) na Mkurugenzi Mtendaji wa Benki ya NBC Tanzania, Theobald Sabi (kushoto), wakishangilia mara baada ya mheshimiwa waziri kuzindua huduma ya mikopo ya wastaafu ya NBC jijini Dodoma hivi karibuni.

Mkurugenzi Mtendaji wa Benki ya NBC Tanzania, Theobald Sabi akizungumza katika hafla ya uzinduzi rasmi wa huduma ya mikopo ya wastaafu ya NBC jijini Dodoma hivi karibuni.

Mheshimiwa Waziri wa Nchi Ofisi ya Waziri Mkuu, Sera, Bunge, Kazi, Ajira na Walemavu, Jenista Mhagama akihutubia wakati wa uzinduzi huo jijini Dodoma.

Waziri wa Nchi Ofisi ya Waziri Mkuu, Sera, Bunge, Kazi, Ajira na Walemavu, Jenista Mhagama (kushoto),  akisalimiana na Mkurugenzi wa Wateja Bnafsi wa NBC, Filbert Mponzi alipokwenda kuzindua mikopo ya wastaafu ya benki hiyo. Wa pili kushoti ni Meneja Mahusiano wa NBC, William Kallaghe, Mkurugenzi Mtendaji wa NBC, Theobald Sabi, na Katibu Tawala Mkoa wa Dodoma, Rehema Madenge.

Waziri wa Nchi Ofisi ya Waziri Mkuu, Sera, Bunge, Kazi, Ajira na Walemavu, Jenista Mhagama (kushoto), akiagana na Meneja Mahusiano Sekta ya Umma na Taasisi wa NBC, Pascass Mhindi baada ya kuzindua huduma ya mikopo ya wastaafu ya NBC jijini Dodoma juzi. Kulia ni Meneja wa NBC Kanda ya Kati, James Ndimbo.

Mkuu Wa Wilaya ya Kongwa na akimwakilisha Mkuu wa Mkoa wa Dodoma, Deo Ndejembi, akizungumza katika hafla ya uzinduzi wa Mikopo ya Wastaafu ya NBC, mjini Dodoma hivi karibuni.

Baadhi ya wastaafu waliohudhuria uzinduzi huo wakifuatilia hotuba mbalimbali katika hafla hiyo.

Read More

Airtel na itel wazindua SMARTPHONE mpya ya A32 F na Bando la Airtel BURE miezi sita

Mkurugenzi wa Masoko Airtel Tanzania Isack Nchuda akionyesha simu mpya ya A32 F ya smartphone baada ya kuzindua kwa kushirikiana na itel pamoja na Airtel Tanzania. Simu hiyo inakuja na GB 12, dakika 300, na sms 300 BURE kwa miezi sita kutoka Airtel. Kulia ni Mkuu wa Masoko na Mauzo itel Dar es Salaam Loalla Xu  na Meneja Uhusiano Itel Erick Mkomoya.

Mkuu wa Masoko na Mauzo itel Dar es Salaam Loalla Xu- kulia Nchuda akionyesha simu mpya ya A32 F ya smartphone baada ya kuzindua kwa kushirikiana na itel pamoja na Airtel Tanzania. Simu hiyo inakuja na GB 12, dakika 300, na sms 300 BURE kwa miezi sita kutoka Airtel. Kati ni  Mkurugenzi wa Masoko Airtel Tanzania Isack Kulia ni Mkuu wa Masoko na Mauzo  na Meneja Uhusiano Itel Erick Mkomoya.

Mkurugenzi wa Masoko Airtel Tanzania Isack Nchuda akisalimiana na Mkuu wa Masoko na Mauzo itel Dar es Salaam Loalla Xu  baada ya kuzindua simu mpya ya A32 F ya smartphone kwa kushirikiana na itel pamoja na Airtel Tanzania.  Simu hiyo inakuja na GB 12, dakika 300, na sms 300 BURE kwa miezi sita kutoka Airtel. Kulia ni na Meneja Uhusiano Itel Erick Mkomoya.

Kampuni ya simu za mkononi ya Airtel Tanzania na kampuni ya kutengeneza simu ya itel kwa pamoja wamezindua simu mpya ya itel A32 F iliyoambatanishwa na offer ya bando ya intaneti yenye kifurushi cha BURE cha GB 12, dakika 300 pamoja na sms 300 kwa muda wa miezi 6 mfululizo.

Ushirikiano wa Airtel na itel unawahakikishia Watanzania uwezo wa kupata simu za kisasa za smartphone zenye ubora wa juu kwa gharama nafuu zaidi.

Akizungumza jijini Dar es Salaam wakati wa uzinduzi wa simu hiyo ya kisasa kabisa yenye ofa kabambe, Mkurugenzi wa Masoko wa Airtel Tanzania Isack Nchuda alisema “Tunajivunia ushirikiano wa Airtel  na itel kwa kuzindua simu mpya na ya kisasa ya A32F. Wenzetu wa itel wanalenga kuhudumia  wateja wa kipato cha kati na cha chini kwa bidhaa zenye ubora na unafuuu, Hivyo basi Airtel ikiwa moja ya makampuni yanayotoa huduma za smartphone za kisasa na  uhakika, tukaona tuwafikishie ofa hii kabambe watanzania wote ili kuwawezesha kuendana na ulimwengu wa kidigitali kwa kutumia mtandao wetu ulio bora na ulioenea kote nchini na simu ya itel.

 

Simu ya A32 F itakuwa inapatikana kwenye maduka yote ya Airtel na itel kote nchini ikiwa  na ofa ya kifurushi cha bando ya intaneti ya 12GB chenye muda wa miezi sita ambapo kila mwezi ni 2GB pamoja na nyongeza ya sms 300 na dakika 300 zote kutoka Airtel Tanzania.

Kwa upande wake, Mkuu wa Masoko Mkoa wa Dar es salaam kutoka itel Mobile Mr. Walle XU, alisema kuwa ni furaha kubwa sana kushirikiana na Airtel kuzindua simu mpya ya kisasa ya itel A32 F ambayo ni smartphone ya kwanza kutumia alama za vidole (finger print) yenye AndroidTM  Oreo™ ambayo ni toleo la kisasa na inapatikana kwa bei nafuu kabisa Tanzania nzima. Simu ya A32 F ni nyepesi sana na inatoa suluhisho bora kwa watumiaji wa huduma za kidigitali kwa uhakika na haraka kabisa itapatikana kwa gharama nafuu, alisema Khosla.

Bwana Walle aliongeza kuwa itel A32 F ina usalama na uhakika kwa kuwa inauwezo wa kutambua vidole vya mwenye simu na iweza kuweka programu nane ambazo zinatumika kwa matumizi mbalimbali kama kupiga picha, kupiga video, kupokea simu, stop alarm pamoja kusajili vidole vitano ambavyo kila kidole kinakuwa na kazi yake maalum.

Alisema vifaa vingine ni ukumbwa wake wa inch 5.0 pamoja na kamera ya kisasa ya 5mp kwa nyuma na mbele 2mp na inaweza kupiga picha kwa mazingira yeyote yale. Pia simu hiyo ina memory ya 8GB+1GB ambazo zinaweza kuzidi mpaka 32GB.

Read More

NBC yatoa udhamini wanafunzi vyuo vikuu

Kaimu Mkuu wa Chuo Kikuu Kishiriki cha Elimu (DUCE), Prof. Godliving Mtui (kutoka kushoto), Mkuu wa Chuo cha Uhifadhi Wanyama Pori, Prof. Jaffari Kideghesho, Mkuu wa Chuo cha Elimu ya Biashara (CBE), Prof. Emmanuel Mjema na Makamu Mkuu wa Chuo cha Usimamizi wa Fedha (IFM), Dr. Imanueli  Mnzava wakisaini mikataba ya ufadhili wa wanafunzi 60 kutoka Benki ya NBC utakaowanufaisha wanafunzi hao katika mwaka wa kwanza wa masomo wa 2018/19 katika hafla iliyofanyika jijini  Dar es Salaam  hivi karibuni. Mkurugenzi Mtendaji wa NBC, Theobald Sabi (wa tano kushoto waliosimama), Kaimu Mwenyekiti wa Bodi, Dk. Kassim Hussein (wa sita kushoto) na baadhi ya wakurugenzi wa benki hiyo wakishuhudia.

Mkurugenzi Mtendaji wa Benki ya NBC, Theobald Sabi (kushoto), akizungumza katika hafla ya uzinduzi wa program ya ufadhili ya NBC ambapo wanafunzi 60 watapata ufadhili katika vyuo vikuu vinne chini. Ufadhili huo wenye thamani ya shs milioni 300 utavihusu  Chuo Kikuu Kishiriki cha Elimu Dar es Salaam (DUCE), Chuo cha Uhifadhi Wanyama Pori Mweka (CAWM), Chuo cha Elimu ya Biashara (CBE), na  Chuo cha Usimamizi wa Fedha (IFM). Kulia ni wakuu wa vyuo hivyo.

Kaimu Mwenyekiti wa Bodi ya NBC, Dk. Kassim Hussein (katikati). akishikana mikono na Kaimu Mkuu wa Chuo Kikuu cha Elimu  Dar es Salaam (DUCE), Prof. Godliving Mtui katika hafla hiyo. Kulia ni Mkuu wa Chuo cha CBE, Dk. Emanuel Mjema.

Makamu Mkuu wa Chuo cha Usimamizi wa Fedha (IFM), Dr. Imanueli  Mnzava akzungumza katika hafla hiyo.

Kaimu Mwenyekiti wa Bodi ya NBC, Dk. Kassim Hussein akizungumza katika hafla ya uzinduzi wa programu ua ufadhili ya benki hiyo jijini Dar es Salaam hivi karibuni.  

Mmoja wa wanafunzi wa Chuo cha Elimu ya Biashara (CBE), Michael Mniko akiishukuru NBC kwa kutoa ufadhili huo akisema utaisaidia serikali katika azma yake ya kuinua kiwango cha elimu nchini.

Read More

Sanlam na Maxcom kuwawezesha wateja wa bima kufanya malipo kwa njia ya simu za mkononi

Ofisa Mtendaji Mkuu wa Kampuni ya Bima ya Sanlam Life Insurance, Khamis Suleiman (wa pili kushoto), na Ofisa Mtendaji Mkuu wa Kampuni ya Maxcom Africa, Jameson Kasati, wakisaini  hati za makubaliano ya ushirikiano utakaowawezesha ulipaji rahisi wa bima mbalimbali kupitia simu za mkononi. Hafla hiyo ilifanyika jijini Dar es Salaam leo. Wengine pichani ni maofisa wa Sanlam na wa Maxcom.

Ofisa Mtendaji Mkuu wa Kampuni ya Bima ya Sanlam Life Insurance, Khamis Suleiman (wa tatu kushoto), na Ofisa Mtendaji Mkuu wa Kampuni ya Maxcom Africa, Jameson Kasati, wakibadilishana hati za makubaliano ya ushirikiano utakaowawezesha ulipaji rahisi wa bima mbalimbali kupitia simu za mkononi. Hafla hiyo ilifanyika jijini Dar es Salaam leo. Wengine pichani ni maofisa wa Sanlam na wa Maxcom.

Baadhi ya maofisa wa Maxcom  wakipiga picha ya kumbukumbu pamoja na viongozi wa Sanlam Life Insurance katika hafla hiyo.

Baadhi ya maofisa wa Sanlam Life Insurance  wakipiga picha ya kumbukumbu pamoja na viongozi wa Maxcom katika hafla hiyo.

WATANZANIA watapata fursa ya kufanya malipo ya bima mbalimbali kwa njia rahisi zaidi kupitia simu zao za mikononi baada ya kampuni ya Bima ya Sanlam Life Insurance na Maxcom kuingia makubaliano ya ushirikiano wa kibiashara.

Akizungumza katika hafla ya utiaji sahihi makubaliano hayo jijini Dar es Salaam leo, Ofisa Mtendaji Mkuu wa Sanlam Life Insurance, Khamis Suleiman alisema kwamba sheria ya bima imebadilika hivyo kuwataka wateja wa bima kuweza kufanya malipo yao  moja kwa moja kwenye kampuni za bima.

“Sheria ya bima huwa zinabadilika mara kwa mara kwa sasa sheria inamtaka mteja wa bima kuweza kufanya malipo bila kupitia kwa dalali au mawakala wa bima na tumegundua njia rahisi ya kuwawezesha wateja wetu ni hii ya kuweza kufanya malipo ni kupitia simu zao za mikononi,” aliongeza Suleiman.

Aliongeza kwamba utaratibu huo wa kulipa malipo ya bima kwa njia ya simu za mikononi unalenga kupanua wigo wa kulipa malipo na kuimarisha makusanyo ya michango na kumsaidia mteja wao kufanya malipo kwa njia rahisi zaidi ndani na nje ya nchini.

Aliongeza kwamba kwa takwimu za hivi karibuni takribani asilimia 62 ya watanzania wana miliki simu za mikononi ambapo ni sawa na watu milioni 20 lakini wanaofanya malipo ya bima  hawazidi laki moja.

“kwahiyo tumeamua kuungana na hawa ndugu zetu wa Maxcom ili kuweza kuwarahisishia wateja wetu kuweza kufanya malipo ya bima kwa njia ya simu za mkononi” aliongeza Suleiman

Kwahiyo alisisitiza umuhimu wa kuingia kwenye malipo kwa njia ya simu kwa kuwa kwa mwaka watanzania wanaofanya malipo kwa njia ya simu za mkononi ni wengi na takribani shs bilioni 1.4 kwa mwaka miamala kwa njia ya simu hufanyika.

Suleiman alisema ni muhimu kuweza kuingia kwenye soko hilo ili kuweza kuongeza wigo wa soko lake ambalo kwa sasa alisema kampuni hiyo ina asilimia 62 kwenye soko la bima nchini na kwa mwaka jana pekee kampuni yao ililipa madai kwa wateja wake kiasi cha shs billion 14.

Kwa upande wake, Mkurugenzi Mkuu wa Maxcom, Jameson Kasati alifafanua kwamba mfumo wa kampuni yao wa kielectroniki ni imara na salama kwa wateja wa bima nchini kuweza kufanya malipo mbalimbali kama michango na kulipa ada kwa wakati wakiwa mahali popote.

“tumejiunga na ulipaji wa njia ya kieletroniki na serikali ambapo pia watu na makampuni binafsi wanaweza kupata fursa hiyo ya kufanya malipo yao kwa njia ya simu za mkononi katika juhudi za kuboresha ulipaji wa huduma mbalimbali nchini,” alisema Kasati

Aliongeza kwamba uzinduzi wa huduma hiyo ni wakati muafaka wa watanzania kuweza kufanya malipo yao ya bima kwa njia ya simu za mkononi kwa mawakala mbalimbali ndani ya nchini.

Read More