NBC YADHAMINI MAONESHO SABASABA KWA MWAKA WA TATU MFULULIZO

Waziri Mkuu, Kassim Majaliwa (kulia), akiangalia baadhi ya vifaa vinavyotengenezwa na Kampuni ya Uzalishaji wa fenicha na Uuzaji wa mashine ya Azienda Group Limited, katika banda la wajasiriamali wadogo na wa kati lililodhaminiwa na benki ya NBC wakati wa ufunguzi wa  maonesho ya 44 ya Kimataifa ya Biashara ya Dar es Salaam katika Viwanja vya Sabasaba hivi karibuni. NBC mdhanini mkuu wa maonesho hayo. Wa pili kulia ni Mkurugenzi Mtendaji wa NBC, Theobald Sabi na Mkurugenzi wa Huduma za Biashara za Kibenki, ElvisNdunguru na kushoto ni Mshauri wa Mambo ya Kibiashara wa Azienda Group Limited, Hekala Sigalla.

Waziri Mkuu, Kassim Majaliwa (kushoto), akitembelea banda la wajasiriamali lililodhaminiwa na Benki ya NBC wakati wa ufunguzi wa  maonesho ya 44 ya Kimataifa ya Biashara ya Dar es Salaam katika Viwanja vya Sabasaba hivi karibuni. Kushoto kwake ni Mkurugenzi Mtendaji wa NBC, Theobald Sabi. NBC ni mdhamini mkuu wa maonesho hayo.

Ofisa Mahusiano wa Benki ya NBC, Lena Mwakisale (wa pili kulia) akizungumza na baadhi ya watu waliofika katika banda la Kliniki ya biashara lililodhaminiwa na benki hiyo wakati wa maonesho ya 44 ya Kimataifa ya Biashara ya Dar es Salaam katika Viwanja vya Sabasaba jana. Kulia kwake ni baadhi ya wafanyakazi wenzake. NBC ni mdhamini mkuu wa maonesho hayo.

Ofisa Mauzo wa Benki ya NBC, Upendo Njogolo (kushoto), akitoa maelezo kuhusu huduma na bidhaa mbalimbali zinazotolewa na NBC na pia katika banda la benki hiyo wakati wa maonesho ya 44 ya Kimataifa ya Biashara ya Dar es Salaam katika Viwanja vya Sabasaba, jijini humo jana. NBC ni mdhamini mkuu wa maonesho hayo.

Ofisa Mkuu wa Usimamizi wa Kodi wa Mamlaka ya Mapato Tanzania (TRA), Justine Katiti (kulia) akizumzumza na Mfanyabiashara Saidi Lugendo, kuhusu masuala ya kodi katika banda la Kliniki ya biashara linalodhaminiwa na benki ya NBC wakati wa maonesho ya 44 ya Kimataifa ya Biashara ya Dar es Salaam katika Viwanja vya Sabasaba jijini Dar es Salaam jana. NBC ni mdhamini mkuu wa maonyesho hayo.

Mshauri wa Mambo ya Kibiashara wa Kampuni ya Uzalishaji wa fenicha na Uuzaji wa mashine ya Azienda Group Limited, Hekala Sigalla (kushoto), akitoa maelezo kwa Waziri Mkuu, Kassim Majaliwa (kulia), kuhusu vifaa vinavyotengenezwa na kampuni yake katika banda la wajasiriamali wadogo na wa kati lililodhaminiwa na benki ya NBC wakati wa ufunguzi wa maonesho ya 44 ya Kimataifa ya Biashara ya Dar es Salaam katika Viwanja vya Sabasaba hivi karibuni. NBC mdhamini mkuu wa maonesho hayo. Wa pili kulia ni Mkurugenzi Mtendaji wa NBC, Theobald Sabi na Mkurugenzi wa Huduma za Biashara za Kibenki, Elvis Ndunguru.

Baadhi ya watu wanaofika katika maonesho ya Sabasaba wakipata taarifa mbalimbali kuhusu huduma za kibenki za NBC pamoja na masuala mengine ya kibiashara kutoka kwa washirikika wa NBC kama vile TRA, BRELA, TBS na wengineo katika katika banda la Kliniki ya Biashara ya NBC lililodhaminiwa na benki hiyo.

Benki ya Taifa ya Bishara kwa mara nyingine tena imekuwa mdhamini wa maonesho ya 44 ya Biashara ya Kimataifa maarufu kama Sabasaba yanayofanyika Kurasini jijini Dar es Salaam katika viwanja vya maonesho vya Mwalimu Nyerere kuanzia Julai 1 hadi 13 mwaka huu.

Maonesho hayo ambayo yanakutanisha wajasiliamari, Wafanyabiashara, Wazalishaji na Watoa huduma mbalimbali yanafanyika katika kipindi ambacho wananchi wanatakiwa kuchukua tahadhari za kujikinga na maambukizi ya ugonjwa wa homa ya mapafu maarufu kama Corona.

Theobald Sabi, Mkurugenzi Mtendaji NBC katika uzinduzi wa maoneesho hayo leo, amewaambia Waandishi wa Habari kuwa lengo kuu la udha mini wa benki hiyo kwa taasisi hizo za fedha ni kuwawezesha wajasiliamari wadogo na wa kati ambao ndiyo walengwa wakuu wa maonesho hayo kujifunza na kutumia fursa zilizopo katika soko la ndani la nje katika kuuza bidhaa na huduma wanazozizalisha na kuzitoa.

Benki ya NBC pia inalenga katika kuwasogezea wateja wake huduma zake karibu zaidi kupitia maonesho hayo.

“Katika benki yetu ya NBC tunayo huduma maalumu ambayo inalenga katika kuwawezesha wajasiliamari, wafanyabiashara wadogo na wa kati kuona na kuchangamikia fursa za masoko ya ndani nay a nje ya bidhaa na huduma wanazozitoa na kuzalisha;

Pia tumekuwa tukitoa mafunzo ya kibishara kwa makundi haya ya wafanyabiashara, kuwafundisha mbinu za uzalishaji bora na ufungashaji wa bidhaa zao ili ziweze kuvutia na kushindana kimataifa” alisema Sabi.

Elvis Ndunguru, Mkurugenzi wa Huduma za Biashara za Kibenki kutoka NBC Alisema kuwa benki ya NBC imewaalika wajasiriamali wadogo na wa kati ambao ni wanufaika wa mafunzo na uwezeshwaji wa NBC.

Aliwataja wajasiliamari hao kuwa ni Miku Investment Company Limited wazalishaji na wauzaji wa vipodozi, Borah Lemmy Rothblets wauzaji wa asali na mafuta ya alizeti, Takecharge International Limited, na Azienda Group Limited wazalishaji wa samani na mashine. Wengine ni kampuni za Chelsea Tyre Tube wauzaji wa vipuri vya magari na kampuni ya Dagen Traders wauzaji wa vitenge.

“Baadhi ya wajasiliamari hao wamealikwa na benki katika maonesho ya biahsra ya mwaka huu watatumia fursa hiyo kudhihirisha ni kwa namna gani NBC imekuwa taasisi muhimu katika kuwawezesha na hivyo kuchangia ukuaji wao. Tumekuwa pia tukiwawezesha wajasiliamari katika sekta ya madini, ufugaji kuku, ng’ombe, mbuzi, sekta ya uzalishaji amzao ya kilimo na uvuvi” aliongeza Ndunguru.

Akifungua maonesho hayo Ijumaa, Waziri Mkuu Kassim Majaliwa amezisifu beni za biashara nchini kwa mchango wake wa kuiwezesha Tanzania kufikia uchumi wa kati kabla ya mwaka 2025. Alisema sekta ya fedha ni muhimu katika ukuaji wa uchumi wa mwananchi mmoja mmoja na hatimaye taifa kwa ujumla.

“Serikali itaendelea kuweka mazingira wezeshi kwa sekta binafsi zikiwemo benki za biashara ili ziendelee kufanya kazi zake vizuri na kwa mafanikio. Serikali inazihimiza benki kuendelea kuto amikopo ya masharti na riba nafuu kwa wafanyabiashara hususani wajasiriamali ili waweze kukuza biashara zao na hivyo kuongeza wigo wa vipato vyao na ajira” alisema Majaliwa.

Kampuni ya Chelsea Tyre Tube inayojishughulisha na uingizaji na uuzaji wa vipuri vya magari na matairi imekuwa mnufaika wa mikopo ya NBC tangu mwaka 2004 na inajivunia ukaribu wake na NBC katika mafanikio ya bishara yake.

Mkurugenzi Mtendaji wa kampuni hiyo Martin Massawe, alisema kuwa kampuni yake imekuwa mnufaika wa mikopo ya masharti na riba nafuu kwa miaka zaid ya kumi hivi sasa. Alisema kuwa kampuni imekuwa na mtandao mzuri wa kibiashara kutokana na ushirika wake na NBC. Pia mafunzo mbalimbali yametolewa kwa wafanyakazi wa kampuni yake juu ya kujenga mahusiano ya kibiashara na utafutaji soko.

NBC ni benki yenye uzoefu zaidi nchini ambayo imekuwa ikitoa huduma za kifedha kwa miongo mitano sasa ikihudumia wateja binafsi, biashara ndogo, kubwa, makampuni na uwekezaji. Kwasasa benki ina mtandao wa mawakala zaidi ya 3,000 wakitoa huduma katika matawi yake 49 yaliyosambaa kote nchini.

Read More

WANAHISA wa DCB wapata GAWIO

Mwenyekiti wa Bodi ya Benki ya Biashara ya DCB, Prof. Lucian Msambichaka (wa pili kulia), akizungumza na wanahisa wakati wa Mkutano Mkuu wa 18 wa Wanahisa wa benki hiyo ulifanyika kwa njia ya mtandao jijini Dar es Salaam jana. Wengine kutoka kushoto ni; Mwanasheria wa Makampuni, Alex Mgongolwa, Mkurugenzi wa Sheria na Katibu wa Kampuni, Regina Mduma, Mkurugenzi Mtendaji, Godfrey Ndalahwa na Mjumbe wa Bodi ya benki hiyo, Zawadia Nanyaro.

Mkurugenzi Mtendaji wa Benki ya Biashara ya DCB, Godfrey Ndalahwa akizungumza na wanahisa wakati wa Mkutano Mkuu wa 18 wa Wanahisa wa benki hiyo ulifanyika kwa njia ya mtandao jijini Dar es Salaam jana. Kushoto kwake ni Mwanasheria wa Makampuni, Alex Mgongolwa, Mkurugenzi wa Sheria wa DCB na Katibu wa Kampuni, Regina Mduma, Mwenyekiti wa Bodi ya Benki ya DCB, Prof. Lucian Msambichaka na Mjumbe wa Bodi ya benki hiyo, Zawadia Nanyaro.

Kaimu Mkurugenzi wa fedha wa Benki ya Biashara ya DCB, Ester Bgoya akitoa taarifa za kiutendaji wa kifedha kwa wanahisa wakati wa Mkutano Mkuu wa 18 wa Wanahisa wa benki hiyo ulifanyika kwa njia ya mtandao jijini Dar es Salaam jana. Kushoto kwake ni Mwanasheria wa Makampuni, Alex Mgongolwa, Mkurugenzi wa Sheria wa DCB na Katibu wa Kampuni, Regina Mduma, Mkurugenzi Mtendaji wa DCB, Godfrey Ndalahwa, Mwenyekiti wa Bodi, Prof. Lucian Msambichaka na Mjumbe wa Bodi ya benki hiyo, Zawadia Nanyaro.

Mkurugenzi wa Sheria wa DCB na Katibu wa Kampuni, Regina Mduma akizungumza na wanahisa wa benki hiyo kwa njia ya mtandao katika Mkutano Mkuu wa 18 wa Wanahisa wa benki hiyo uliofanyika jijini Dar es Salaam jana. Kutoka kushoto ni Mwanasheria wa Makampuni, Alex Mgongolwa, Mkurugenzi Mtendaji wa DCB, Godfrey Ndalahwa, Mwenyekiti wa Bodi ya Benki ya DCB, Prof. Lucian Msambichaka  na Mjumbe wa Bodi ya benki hiyo, Zawadia Nanyaro.

Mjumbe wa Bodi ya Benki ya Biashara ya DCB, Zawadia Nanyaro akichangia hoja katika mkutano mkuu wa 18 wa wanahisa wa benki hiyo ulifanyika kwa njia ya mtandao ofisini mwa benki hiyo jijini Dar es Salaam juzi. Kushoto kwake ni Mwanasheria wa Makampuni, Alex Mgongolwa, Mkurugenzi wa Sheria na Katibu wa DCB, Regina Mduma, Mkurugenzi Mtendaji wa Benki ya Biashara ya DCB, Godfrey Ndalahwa na Mwenyekiti wa Bodi, Prof. Lucian Msambichaka.

WANAHISA wa BENKI ya Biashara ya DCB wana kila sababu ya kuwa na matumaini na benki yao baada ya Bodi ya benki hiyo kutangaza gawio la shs 5.40 kwa kila hisa wakati wa Mkutano Mkuu wa Mwaka wa Wanahisa wa DCB  uliofanyika jijini Dar es Salaam mwishoni mwa wiki.

Akitangaza gawio hilo lililopitishwa na wanahisa wote kwa njia ya mtandao, Mwenyekiti wa Bodi anayemaliza muda wake wa DCB. Prof. Lucian Msambichaka alisema gawio hilo limetokana na faida waliyopata ya shs bilioni 2.038 baada ya kodi  kufikia Disemba 31, 2019 huku  kiasi cha shs milioni 500 kikitumika kulipia gawio hilo.

Akizungumza zaidi mwenyekiti huyo alisema bodi ilifikia azma ya kulipa gawio la kiasi hicho licha ya faida waliyopata kwa kuzingatia sababu mbalimbali ikiwemo hali ya kibiashara iliyopo nchini iliyochangiwa kwa kiasi kikubwa na athari za ugonjwa wa homa kali ya mapafu  wa Covid-19.

“Sababu nyingine muhimu iliyochangia azma ya kutoa gawio hili  ni kutumia faida hiyo kuiwezesha benki kuendelea kuimarisha mtaji hivyo kuendelea kufanya kazi kwa ufanisi na kupata faida.

“Mafanikio ya DCB yanachangiwa kwa kiasi kikubwa na mchango mkubwa unaotoka kwa wanahisa wa benki yetu kwani hata mwaka 2018 pale benki yetu ilipopata faida ya shs milioni 995, bado wanahisa wetu waliazimia kutumia faida hiyo kuimarisha mtaji badala ya kugawana faida,” aliongeza Prof.  Msambichaka.

Akizungumza na wanahisa hao Mkurugenzi Mtendaji wa DCB, Godfrey Ndalahwa alisema benki imeendelea kuimarika kimtaji huku wakitimiza kwa uhakika maazimio yote yaliyofikiwa katika mkutano mkuu wa wanahisa wa mwaka uliopita.

Alisema moja ya maazimio ya mkutano huo ilikuwa ni benki kutanua wigo wake na kuwa na mawakala Dar es Salaam na mikoani huku azimio lingine likiwa ni  kupunguza kiwango cha mikopo chechefu. 

“Hayo tuliyachukua na sasa tuna mawakala nchi nzima na vituo vidogo vya kutolea huduma vitano na matawi manane huku tukifanya vizuri katika kupunguza mikopo chechefu kwa kuchukua hatua kadhaa ikiwa ni pamoja na kuimarisha kitengo cha ukusanyanyi madeni na kudhibiti mawakala wanaokusanya madeni na kuweka utaratibu mzuri ili mikopo inayotolewa ikidhi taratibu zilipo.

“Matokeo ya hatua hizi ni kuwa tumepunguza mikopo chechefu kwa asilimia 19 mwaka 2018 hadi asilimia 14 mwaka 2019 na pia tumepunguza uhamaji wa mikopo kutoka mikopo safi kwenda chechefu kutoka asilimia 2.6 hadi 0.3 mwaka 2019 na tunaendelea kuhakikisha kwamba mikopo inayotolewa inakuwa na uhakika wa kurejeshwa”, aliongeza mkurugenzi huyo.

Akizungumza utendaji wa kifedha, Kaimu Mkurugenzi wa Idara ya Fedha ya DCB, Ester Bgoya alisema moja ya sababu inayochangia benki kufanya vizuri ni kupungua kwa gharama za uendeshaji kwa mwaka jana kutoka shs bilioni 17 hadi bilioni 15.8 kunakotokana na udhibiti wa matumizi yasiyo ya lazima pamoja na kuboresha shughuli zao za uendeshaji wa biashara kwa kutumia teknolojia.

Read More

WANAHISA 7,000 DCB KUWEKA HISTORIA JUMAMOSI

Mkurugenzi Mtendaji wa Benki ya Biashara ya DCB, Godfrey Ndalahwa (katikati). akizungumza na waandishi wa habari jijini Dar es Salaam kuhusu mkutano mkuu wa 18 wa mwaka wa wanahisa wa benki hiyo unaotarajia kufanyika jijini Dar es Salaam Juni 27 mwaka huu. Kushoto ni Mkaguzi Mkuu wa Ndani, Deogratius Thadei na Mkurugenzi wa Sheria na Katibu wa Kampuni, Regina Mduma. 

Na mwandishi wetu, Dar

Takriban wanahisa 7,000 wa Benki ya DCB wanatarajiwa kufanya Mkutano Mkuu wa Mwaka Jumamosi ya Juni 27 mwaka huu kwa njia ya mtandao.

Akizungumza jijini Dar es Salaam leo, Mkurugenzi Mtendaji wa benki hiyo, Godfrey Ndalahwa, amesema hiyo itakuwa ni mara ya kwanza kwa mkutano huo kufanyika kidijitali.

“Ninawakaribisha wanahisa wote katika mkutano huo utakaoanza saa nne asubuhi, utakaotoa fursa kwa Benki na wanahisa kutathimini mkakati wa miaka mitano tuliojiwekea,” anasema Ndalahwa.

Hatua ya mkutano mkuu kufanyika kidijitali, mbali na kusababishwa na uwepo wa ugonjwa wa corona, imewezeshwa kutokana na uimara wa kitengo cha teknolojia ndani ya DCB.

Ndalahwa anasema mkakati huo uliopitishwa na kuanza kutekelezwa mwaka 2018, unatarajiwa kukamilika mwaka 2022.

“Mkakati huu una hatua tatu; kwanza kuiondoa benki katika kutengeneza hasara na kuanza kupata faida, pili benki kujiimarisha na tatu na kukukua na kutanuka kwa Benki ya DCB,” anasema.

Tayari mafanikio ya mkakati huo yameshaoneka kwani katika mwaka wa kwanza wa utekelezaji wake, mwaka 2018 benki ilipata faida ya Sh bilioni 1.6 kutoka katika hasara ya Sh bilioni -6.5 mwaka 2017.

Mwaka 2019 DCB imepata faida ya Sh bilioni 2.1 kutoka Sh bilioni 1.6 ya mwaka 2018 huku thamani ya uwekezaji ikiongezeka:

“Hivyo kutoa nafasi kwa wanahisa kupata gawio kutokana na uamuzi watakaoufikia Jumamosi, Pia kutokana na mkakati huu, ukwasi umeongezeka huku mikopo chechefu ikipungua ikiwa ni katika hatua ya pili ya mkakati, yaani kujiimarisha.” Ndalahwa amesema.

Katika hatua ya tatu ya kujipanua, Benki ya DCB imefungua vituo 28 mikoa mbalimbali nchini na inatarajia kufungua matawi matano kwenye mikoa ya kimkakati kiuchumi nchini.

“Ninaamini wanahisa, pamoja na kujiadili gawio linalotokana na faida iliyopatikana; bado wanatamani kuiona benki yao ikiimarika na kuwafikia Watanzania wengi zaidi hivyo kusaidia juhudi za serikali za kuifikisha nchi yetu katika uchumi wa kati wa viwanda ifikapo mwaka 2025,” anasema Mkurugenzi Mtendaji huyo.

Read More

ABSA yasherehekea kuhitimisha kujitenga na BARCLAYS

Na Mwandishi Wetu, Dar es Salaam

Kampuni mama ya Benki ya ABSA Tanzania, Absa Group ya Afrika Kusini, imetangaza kukamilika kwa safari yake muhimu ya kujitenga na Barclays.

Safari hiyo ilianza baada ya uamuzi wa Barclays PLC wa mwaka 2016 wa kuiuzia Absa hisa zake za Afrika, huku ikiruhusu benki hiyo kuendelea kutumia chapa ya Barclays katika kipindi cha mpito kati ya Juni 2017 na Juni 2020.

Kwa mujibu wa taarifa iliyotolewa mapema wiki hii, safari hiyo imekamilika kwa mafanikio Juni 5 mwaka huu.

“Tukiwa kama na chapa ya umoja wa Kiafrika, hatujawahi kuwa tayari kuwa benki iliyojitosheleza zaidi kama tulivyo sasa,” alisema Mkurugenzi Mtendaji wa Benki ya Absa Tanzania, Abdi Mohamed na kuongeza:

“Sasa tunao uwezo wa kuhodhi na kumiliki michakato yetu mbalimbali pamoja na miundombinu, kuboresha mifumo na maoni kwa ajili ya kuwapa wateja wetu wa Tanzania huduma bora zaidi.

“Kingine cha ziada ni kwamba juhudi hizo zilizoanzishwa zimeboresha uwezo na uimara wa Absa, zikiwanufaisha wafanyakazi sawasawa na wateja wetu.”

Naye Mtendaji Mkuu wa Operesheni wa benki hiyo, Peter Matlare, alisema hatua hiyo iliyofanyika kwa wakati na kwa bajeti iliyopangwa ilikuwa muhimu zaidi ya kubadili jina.

“Sasa tuna fursa ya kubuni na kufanyia uendelevu ushirikiano muhimu unaotuwezesha sisi na wadau wetu kustawi.

“Hata hivyo, kutokana na matukio ya sasa na hali ya uchumi, tumeirekebisha mikakati yetu kuhakikisha tunaweka kipaumbele katika kulinda mtaji. Kubadilisha chapa na kuwa Absa katika mataifa 12 ya Afrika kumetuunganisha chini ya chapa mpja, utambulisho. Malengo na mikakati,” alisema Matlare.

Alisema benki hiyo itaendelea kutekeleza mikakati yake ya kukua; kukuza ufanisi katika huduma na kusonga mbele katika masuala ya kidijitali.

“Tuna historia ndefu na tumekuwa sehemu muhimu katika maendeleo ya uchumi wa Tanzania. Tutaendelea kuwa washirika katika ukuzaji wa sekta muhimu.

“Kwa mikakati tuliojiwekea, sasa tuna uwezo wa kuongoza sekta hii. Tunaamini kuwa haya yanawezekana kwa kutoa bidhaa zenye ushindani, huduma bora na uzoefu halisi wa Kiafrika,” alisema Abdi.

Read More

Absa bank Tanzania provides payment holiday to its customers

• A three months’ loan repayment holiday,
• For Retail Banking, Business Banking, and Corporate and Investment Banking segments,
• Will not attract additional administration fees for customers.

As Tanzania and the world confront the financial and economic implications of the Covid-19 pandemic, Absa Bank Tanzania has implemented a payment holiday programme to its customers spanning across Retail, Business Banking, and Corporate and Investment Banking segments. 

The comprehensive debt relief programme is a three months’ loan repayment holiday, which comes alongside other efforts initiated by the bank to support its customers amidst covid19 pandemic. The programme, which started in April, is being conducted in full compliance with the Bank of Tanzania regulatory requirements. 

Speaking about the relief programme, the bank’s Managing Director, Mr. Abdi Mohamed, said “We realize that this is a difficult time for many of our customers and businesses whose financial means are being negatively affected. As such, being responsible financial partners we are happy to support our customers and businesses in order to continue to build thriving businesses and a vibrant economy despite the present challenges.

We urge those customers who have not been impacted to continue making their payments as usual. This will enable us to extend this relief programme to many more customers who may have pressing needs. Customers are encouraged to reach out to their Relationship Managers” 

On his part, the Head of Client Experience, Mr. Samuel Mkuyu, said “Our passion for our customers is as strong as ever and our commitment to serve and protect them is unwavering. This is why our services continue to run smoothly even as we adhere with the guidelines and protocols set out by the Ministry of Health. We continue to encourage our customers to use our digital channels which are more efficient and safer given the present time circumstances.

Read More

Absa Tanzania yaunga mkono juhudi za serikali mapambano dhidi ya Covid-19

Waziri wa Afya, Maendeleo ya Jamii, Jinsia, Wazee na Watoto, Ummy Mwalimu, (katikati), akimshukuru Mkurugenzi Rasilimali Watu na Utumishi wa Benki ya Absa Tanzania, Patrick Foya (kushoto), baada ya kupokea msaada wa vifaa tiba kwa ajili ya kuisaidia serikali katika kupambana na ugonjwa wa homa kali ya mapafu inayotokana na virusi vya Corona (Covid-19) kulia ni Katibu Mkuu wa Wizara ya Afya, Maendeleo ya Jamii, Jinsia, Wazee na Watoto, Prof. Mabula Daudi Mchembe. Vifaa hivyo vikiwemo barakoa, vitakasa mikono na gloves vyenye thamani ya shs milioni 20 vimekabidhiwa katika ofisi za wizara hiyo jijini Dar es Salaam leo.

Mkurugenzi Rasilimali watu na Utumishi wa Benki ya Absa Tanzania Patrick Foya (kushoto), akizungumza katika hafla ya kukabidhi msaada wa vifaa tiba kusaidia juhudi za serikali katika kupambana na ugonjwa wa corona (Covid-19), kwa Waziri wa Afya, Maendeleo ya. Jamii, Jinsia, Wazee na Watoto, Ummy Mwalimu (katikati) kulia ni Katibu Mkuu wa Wizara ya Afya, Maendeleo ya Jamii, Jinsia, Wazee na Watoto Prof. Mabula Daudi Mchembe. Vifaa hivyo vikiwemo barakoa, vitakasa mikono na gloves vyenye thamani ya shs milioni 20 vimekabidhiwa katika ofisi za wizara hiyo jijini Dar es Salaam leo.

Waziri wa Afya, Maendeleo ya. Jamii, Jinsia, Wazee na Watoto, Ummy Mwalimu, akizungumza wakati akipokea vifaa tiba kutoka kwa Mkurugenzi wa Rasiliamali Watu na Utumishi wa Benki ya Absa Tanzania, Patrick Foya (kushoto) ikiwa ni mchango wa benki hiyo katika kusaidia juhudi za serikali katika mapambano dhidi ya ugonjwa wa homa kali ya mapafu inayosababishwa na virusi vya Corona (Covid-19). Vifaa hivyo vikiwemo barakoa, vitakasa mikono na gloves vyenye thamani ya shs milioni 20 vimekabidhiwa katika ofisi za wizara, Dar es Salaam leo.

Read More

Sanlam yachangia TZS 172,500,000 kuunga mkono mapambano dhidi ya ugonjwa wa COVID-19 nchini

Waziri wa Afya, Maendeleo ya Jamii, Jinsia, Wazee na Watoto, Ummy Mwalimu (wa pili kushoto), akipokea mfano wa hundi ya shs 172,500,000 zilizotolewa na Kampuni ya Bima ya Sanlam Life Insurance na Sanlam General Insurance kusaidia juhudi za serikali katika kupambama wa ugonjwa wa homa kali ya mapafu unaosababishwa na virusi vya Corona (covid-19). Hafla ya makabidhiano ilifanyika ofisini kwa Waziri Mkuu, jijini Dar es Salaam hivi karibuni. Kutoka kushoto ni;  Mkuu wa Kitengo cha Rasilimali Watu wa Sanlam Life, Charles Mbaga, Mwenyekiti wa Bodi wa Sanlam, Balozi Dk. Matern Lumbanga, Ofisa Mtendaji Mkuu wa Sanlam Kanda ya Afrika Mashariki, Julius Magabe na Ofisa Mtendaji Mkuu wa Sanlam Genral Tanzania, Gift Noko.

Na Mwandishi Wetu.

WAKATI maambukizi ya virusi vya Corona Tanzania yakiongezeka, Sanlam Life Insurance na Sanlam General Insurance ambayo ni makampuni tanzu ya Sanlam Group yanayoongoza kwa kutoa huduma za bima nchini, yameungana na Watanzania wengine kuchangia Shilingi 172,500,000 katika juhudi za kuupiga vita ugonjwa wa COVID-19.

Fedha hizo zimekabidhiwa rasmi kwa Waziri Mkuu wa Jamhuri ya Muungano wa Tanzania Mheshimiwa Kassim Majaliwa ambaye pia ni Mwenyekiti wa Taifa wa Kamati ya kukabiliana na maambukizi ya COVID-19 ambapo Waziri wa Afya, Maendeleo ya Jamii, Jinsia, Wazee na Watoto, Ummy Mwalimu, amepokea msaada huo kwa niaba ya Waziri Mkuu.

Fedha zilizotolewa zinalenga kusaidia upatikanaji wa vifaa kinga na vifaa tiba husika kwa wahudumu wa afya, wagonjwa na jamii kwa ujumla.

Akizungumza katika hafla fupi ya kukabidhi mchango huo, Ofisa Mtendaji Mkuu wa Sanlam – Kanda ya Afrika Mashariki, Bwana Julius Magabe amesema kampuni ya Sanlam imeguswa na janga hili la kidunia na kuona ni busara kuunga mkono juhudi za serikali katika mapambano haya na kutoa mchango huu.

“Makampuni ya bima ya Sanlam nchini yakiwa sehemu ya jamii, yanatambua kuwa ni wajibu muhimu kama taasisi kuwa sehemu ya jitihada hizi za kuhakikisha usalama wa afya ya jamii ambayo inatuzunguka,” amesema Bwana Magabe.

Bwana Magabe alieleza zaidi kuwa kama Sanlam Group na kampuni zake zilizopo Tanzania (Sanlam Life Insurance na Sanlam General Insurance), wanaimani kuwa elimu kwa jamii kuhusiana na janga hili la COVID-19 inatakiwa kuendelea kutiliwa mkazo, na kwamba michango ya wadau mbalimbali wa maendeleo itakuwa na msaada mkubwa kwenye hili, kusaidia watu kubadili tabia kama inavyoelekezwa na wataalamu wa afya, ili jamii ya Watanzania ibaki salama.

Kwa niaba ya Waziri Mkuu, Waziri wa Afya, Ummy Mwalimu ameushukuru uongozi wa Sanlam kwa kuunga mkono juhudi za serikali katika wakati huu muhimu.

“Msaada huu umekuja katika wakati muafaka kwetu na hivyo, pamoja na shukurani, tunatoa wito kwa kampuni, taasisi na wafanyabiashara binafsi kuendelea kuisaidia serikali kwa hali na mali katika mapambano haya. Tunaahidi hatutawaangusha,” amesema Ummy.

Pamoja na kuchangia mapambano dhidi ya COVID-19, makampuni ya Sanlam yamechukua hatua stahiki pahala pa kazi kuhakikisha usalama wa wateja na wafanyakazi unalindwa.

Read More